دو خوكوژان خوه ب مزگه‌فێن شيعان ڤه په‌قاندن
ئه‌ڤرۆ نيوز:
د دو كريارێن خوه كوژى دا ئه‌ڤرۆ رۆژا ئه‌ينى رێكه‌فتى 22ى گۆلانا 2015ێ ل سعودى و په‌مه‌ن نێزيكى 20 كه‌سان گيانێ خوه ژ ده‌ست دا و هژماره‌كا مه‌زن ژى بريندار بوون.
وه‌زاره‌تا ناڤخۆ يا سعوديێ د به‌ياننامه‌كێ دا راگه‌هاند كو پشتى نڤێژا ئه‌ينيێ ل مزگه‌فته‌كا شيعان ل باژێرێ قه‌ديح يێ سه‌ر ب پارێزگه‌ها قه‌تيق ڤه ته‌قينه‌ك روودا و ب كێمى نێزيكى 30 كه‌سان بووينه قوربانى ژ كوشتى و برينداران.
ئاماژه ب وێ چه‌ندێ ژى كريه كو ئه‌ڤه كرياره‌كا خوه‌كوژى بوويه و دژى وه‌لاتيێن شيعه هاتيه ئه‌نجام دان، چونكو وه‌لاتيێن وێ پارێزگه‌هێ هه‌موو شيعه‌نه.
هه‌ر ئه‌ڤرۆ و پشتى نڤێژا ئه‌ينى يێ ل سه‌نعا يا پايته‌ختێ يه‌مه‌ن و د ناڤ مزگه‌فته‌كا حوسيان دا، خوه‌كوژه‌كى خوه ته‌قانديه و پۆليسێن يه‌مه‌ن راگه‌هاند كو 13 كه‌ش هاتينه كوشتن و چه‌كدارێن داعش ژى به‌رپرساتيا خوه ژ ڤێ كريارێ دياركر.
