دو سه‌رۆك ليست ئاماده‌يى روونشتنا ئێكێ يا په‌رله‌مانى نه‌بوون
ئه‌ڤرۆ نيوز:
هه‌ر ئێك ژ قوباد ته‌له‌بانى، سه‌رۆكێ فراكسيۆنا ئێكه‌تى نشتيمانى كوردستان و شاسوار عه‌بدولواحد سه‌رۆكێ ڤه‌لڤينا نوو ئاماده‌يى رووشتنا ئێكێ يا په‌رله‌مانێ كوردستانێ نه‌بوون.
به‌رى نيڤرۆيا ئه‌ڤرۆ روونشتنا ئێكێ يا خولا پێنجێ يا په‌رله‌مانێ كوردستانێ ده‌سپێكر و په‌رله‌مانتاران سووندا قانوونى خوار.
ب گۆره‌يى به‌رنامێ كارى، مه‌زنترين په‌رله‌مانتار ب ژيێ خوه كو رێڤينگ هرۆرى بوو، ژ فراكسيۆنا پارتى ديموكراتى كوردستان سه‌رۆكاتيا په‌رله‌مانى كر و پاشان ئه‌ندامێن په‌رله‌مانى ژى سووندا قانوونى خوار.
بڕياره ب گۆره‌يى به‌رنامێ كارى ده‌رگه‌هێ خوه به‌ربژاركرنێ بۆ پۆستێ سه‌رۆكێ په‌رله‌مانى و جێگر و سكرتێران بهێته ڤه‌كرن و پاشان ژى روونشتنا په‌رله‌مانى بمينيته ڤه‌كرى هه‌تا كو لايه‌نێن سياسى رێكه‌فتنێ ل سه‌ر دكه‌ن.
