دو كه‌س هاتنه كوشتن
ئه‌ڤرۆ نيوز:
ل تاخێ ئه‌نده‌زيارى يێ باژێرێ هه‌ولێرێ دو كه‌س هاتنه كوشتن، ژێده‌ره‌كێ پۆليسان ژى راگه‌هاند كو ژ ئه‌گه‌رێ كێشه‌كا جڤاكى بوويه و سێ كه‌س ژى ل سه‌ر روودانێ هاتينه ده‌سته‌سه‌ركرن.
ژێده‌ره‌كى ژ پۆليسێن هه‌ولێر بۆ ئه‌ڤرۆ نيوز راگه‌هاند كو ژ ئه‌گه‌ره‌كێ كێشه‌كا جڤاكى شه‌ر د ناڤبه‌را شه‌ش كه‌سان دا روودا و ژ ئه‌گه‌رێ وێ چه‌ندێ دو كه‌س هاتنه كوشتن.
ئه‌وى ژێده‌رى گۆتژى: “پۆليسان ده‌ست ب ڤه‌كۆلينێ كريه و هه‌تا نوكه سێ كه‌س ل سه‌ر روودانێ ده‌سته‌سه‌ركرينه و ڤه‌كۆلين ل سه‌ر روودانێ يا به‌رده‌وامه”.
ب گۆره‌يى پێزانينان شه‌ر د ناڤبه‌را دو بنه‌مالان دا روودايه كو ژمارا وان شه‌ش كه‌س بووينه ل ئێك ژ كافتريايێن تاخێ ئه‌نده‌زيارى روو ب روويێ هه‌ڤدۆ هاتينه، پاشان هه‌ردولايان ته‌قه ل هه‌ڤدۆ كريه و ژ ئه‌گه‌رێ وێ چه‌ندێ ژى دو كه‌س هاتينه كوشتن و چه‌ند كه‌سه‌ك ژى بريندار بووينه.