دو وه‌زيرێن حوكمه‌تا عه‌بادى ده‌ست ژ كار كێشا
ئه‌ڤرۆ نيوز:
سه‌رۆكێ حوكمه‌تا عيراقێ ره‌زامه‌ندى ل سه‌ر ده‌ست ژ كاركێشانا وه‌زيرێ پێشه‌سازى و ژێده‌رێن ئاڤێ ده‌ربڕى و پێشبينى دهێته كرن چه‌ند وه‌زيرێن دژى ده‌ست ژ كاركێشانا خوه ب راگه‌هينن.
ژێده‌ره‌كێ بلند ل حوكمه‌تا عيراقێ بۆ “بغداديهة نيوز” راگه‌هاند: حه‌يده‌ر عه‌بادى، سه‌رۆك وه‌زيرێن عيراقێ ره‌زامه‌ندى ده‌ربڕى ل سه‌ر ده‌ست ژ كار كێشانا “نه‌سير عيساوى”، وه‌زيرێ پێشه‌سازى و “محسن شه‌مه‌رى”، وه‌زيرێ ژێده‌رێن ئاڤێ”.
دا زانين ژى كو بڕياره د كۆمبوونا داهاتى يا جڤاتا نوونه‌رێن عيراقێ دا، دو كه‌سێن دى ل جهێ وان ژ لايێ ليستا ئه‌حرار ڤه بهێنه دياركرن.
ئاماژه ب وێ چه‌ندێ ژى كر كو پێشبينى دهێته كرن “محه‌مه‌د ساحێب ده‌رجى” بۆ وه‌زيرێ پێشه‌سازى و “محه‌مه‌د عه‌مشاوى” بۆ وه‌زيرێ ژێده‌رێن ئاڤێ بهێنه ده‌ستنيشانكرن.
