دو وەلاتێن عەرەبی داخواز ژ ترامپی کرینە سزایێن ل سەر ئیرانێ توندتر بکەت
رۆژنامەیا وول ستریت جۆرنال یا ئەمریکی دیار کریە، هەر دو وەلاتێن عەرەبستان و ئیماراتێ داخواز ژ ترامپی کرینە کو سزایێن ل سەر ئیرانێ توندتر بکەت دا تەهران نەچار بیت هەموو داخوازیێن ئەمریکا قەبوول بکەت، چونکی د رەوشا نها دا ئیران بەرهەڤ نینە چو داخوازیێن ئەمریکا قەبوول بکەت و هێشتا ژی ئیران مەترسیە ل سەر وەلاتێن دەڤەرێ و ژ بەر ڤێ یەکێ ژی وان وەلاتان داخواز کرینە کو ترامپ ب هەموو شیانێن خوە سزایێن ل سەر ئیرانێ توندتر بکەت.
ل گۆر هەمان رۆژنامێ ئیرانێ ڤێ دووماهیێ داخوازەک ژ ترامپی کربوو کو سزایێن ل سەر ئیرانێ راکەت و ئیران ژی یا بەرهەڤە دەرتەنگا هورمزێ ب تەمامی ڤەکەت، لێ ئەو یەک ب توندی ژ ئالیێ ترامپی ڤە هاتە رەتکرن و سەرۆکێ ئەمریکا بریار دایە سزایێن ل سەر ئیرانێ توند بکەت دا ئیران نەچار بیت هەموو داخوازیێن ئەمریکا قەبوول بکەت، کەسێن نێزیکی ترامپی بۆ وی دیار کرینە کو هەکە سزا بهێنە توند کرن دێ ئیران خوە رادەست کەت و ژ بەر ڤێ یەکێ ژی ئەمریکا جارێ بەرهەڤ نینە ل گەل ئیرانێ چو دانوستاندنێن نوو بکەت.
