دو پولیسێن ئاگرڤەمراندنێ بریندار بوون
ئەڤرۆنیۆز، سالار دۆسكی:
ئاگربەر دبیتە كەمپەكا ئاواران ل زاخۆ و كەسەكێ پەككەفتی ب رێژا 100% هاتە سوتن و دو پولیسێن ئاگر ڤەمراندنێ بریندار بوون.
رائید (بێوار عەبدوالعزیز) بەرپرسێ پەیوەندی و راگەهاندنێ ل رێڤەبەریا بەرگێریا شارستانی ل دهۆكێ بۆ ئەڤرۆ نیۆز گۆت: ئەڤرۆ پشتی نیڤرۆ پەیوەندی ب بنگەهێ زاخۆ یێ ئاگرڤەمراندنێ هاتەكرن كو روودانەكا ئاگر بەربوونێ ل كەمپا چەم مشكۆ پەیدا بوویە.
هێشتا گۆت: مخابنی ڤە خەلكێ كەمپێ دهاریكار نەبوون و نەهێلان ب دورستی پولیسێن ئاگرڤەمراندنێ كارێن خوه بكەن و ب دارو بەران دانایە پولیسان و زیان گەهاندینە ترۆمبێلا ئاگرڤەمراندنێ,
بێواری ئەو ژی ئاشكراكر، ژ ئەگەرێ ڤێ ئاگر بەربوونێ كەسەكێ پەككەفتی ب رێژا 100% هاتە سوتن و هاتە هنارتن بۆ نەخوه‌شخانا زاخۆ، دو پولیسێن ئاگرڤەمراندنێ ژی برینداربوون.
بێوار عەبدوالعزیز ئەو ژی خویاركر كو ئه‌گه‌رێ په‌يدابوونا ڤی روودانێ شورتێ كارەبێ بوو.
