دژه تيرۆرا عيراقێ بۆ خه‌لكێ مووسل: ژ مالێن خوه ده‌رنه‌كه‌ڤن
ئه‌ڤرۆ نيوز:
فه‌رماندێ هێزێن دژه تيرۆرا عيراقێ داخوازێ ژ وه‌لاتيێن باژێرێ مووسل دكه‌ت كو ل مالێن خوه بمينن و باژێرى چول نه‌كه‌ن، ل ده‌مێ گه‌هشتنا هێزێن ئه‌منى بۆ ده‌وروبه‌رێن مووسل كو ئه‌ڤرۆ 17ى چريا ئێكێ ده‌سپێكريه.
عه‌بدولغه‌نى ئه‌سه‌دى، فه‌رماندێ هێزێن دژه تيرۆرێ د داخۆيانيه‌كا رۆژنامه‌ڤانى دا گۆت: “ل گه‌ل گه‌هشتنا هێزێن ئه‌منى بۆ ده‌وروبه‌رێن مووسل، دێ رێيێن پاراستى بۆ ده‌ربازكرنا وه‌لاتيان ڤه‌كه‌ين، هه‌ڤده‌م داخواز ژ وه‌لاتيێن باژێرى كر كو د روويێ پێزانيان دا هاريكاريا هێزێن ئه‌منى بكه‌ن”.
ئه‌ڤرۆ 17ى چريا ئێكێ 2016 حه‌يده‌ر عه‌بادى سه‌رۆك وه‌زيرێن عيراقێ و فه‌رماندێ هێزێن چه‌كدار ل عيراقێ ده‌مژمێرا سفر راگه‌هاند و داخواز ژ وه‌لاتيێن مووسل كر كو د هاريكار بن دا كو ب زووترين ده‌م ده‌ڤه‌رێن وان ژى ژ بن ده‌ستێ داعش بهێنه ده‌ر.