دژ به‌ره‌یه‌كا زۆر ل سه‌ر به‌رهه‌م ئینانا ڤاكسینێ كورونایێ دهێته‌كرن
ئه‌ڤرۆ نیوز:
ئه‌مریكا و روسیا و چین هه‌ڤركیه‌كا دژوار ل سه‌ر به‌رهه‌م ئینانا ڤاكسینێ كورونایێ دكه‌ن هه‌ر ئێك ژ یێ دی بله‌زتر كار ل سه‌ر دكه‌ت.
وه‌زیرێ به‌ره‌ڤانیا روسیا راگه‌هاند چه‌ند كه‌سه‌كێن دی ژی ڤاكسین وه‌رگرتی یه و ل هه‌یڤا بهێت ده‌ست ب پارڤه‌كرنێ كه‌ین، به‌لێ رێكخراوا ساخله‌میا جیهانی دبێژیت تاكو ناڤه‌راساتا سالا 2021 چاڤه‌ریێ گه‌هشتنا ڤاكسینی نه‌كه‌ن.
تێدروس ئه‌دهانوم سه‌رۆكێ رێكخراوا ساخله‌میا جیهانی راگه‌هاند پێدڤیه كارێ ده‌ستپێكێ گه‌هشتنا ڤاكسینی بیت بۆ هنده‌ك خه‌لكی ل هه‌موو جیهانێ، نه‌ك دانا ڤاكسینی بۆ هه‌می خه‌لكی، چونكو ئه‌ڤێ چه‌ندێ په‌یوه‌ندی ب ره‌وشت و ساخله‌میا گشتی ڤه نینه به‌لكو بابه‌ته‌كێ ئابووری ژیه.
تانوكه ل جیهانێ كر ل سه‌ر 189 ڤاكسینێن جودا دهێته‌كرن ل چینێ و ئه‌مریكا و روسیا و بریتانیا نو جور ڤاكسین د قوناغا دوماهیێ دانه، به‌لێ هێتا رێكخراوا ساخله‌میا جیهانی ب فه‌رمی ره‌زامه‌ندی ل سه‌ر بكارئینانا چ ژ ڤان ڤاكسینان نه‌دایه.
