دڤێت ئەم جارەكا دی باوەریا خەلكـی بزڤڕینین
هەرهین محەمەد:
مامۆستایێ زانكۆیێ و كورە شەهید، شەمال یونس نێروەی ، بەربژارێ ژمارە (33) دلیستا (190) یا پارتی دیموكراتی كوردستان ل بازنێ دهۆك ل دور هەلبژارتنان گۆت: وەكو ئەم گەنج و تەخا رەوشەنبیران دێ هەموو بزاڤان كەین، ئاستێ گەنجان بەرب باشتر ببەین دچوارچووڤێ هشیاركرنا جڤاكی و خێزانێ و كادێ چاوا شێن گوهورینێن مەزن كەین ل سەر ئاستێ هەرێمێ ، چونكی گەنج نوكە دینەمویێ كومەلگەهێ یە و رێژا مەزنا گەنجان نیشانا هێزو دەستهەلاتێ یە و ژبەر ئەڤێ یەكێ ئەم وەكو تەخا رەوشەنبیران دێ هەموو بزاڤان كەین كو بشێن كەرتێ پەروەردێ بەرب باشتر ببەین، چونكی وەكو مامۆستایێن زانكۆیێ دێ هەموو بزاڤان كەین مامۆستاێن خوە پتر پێبگەهینین و بەرب ئارمانجێن باشتر ببەین.
بەربژارێ پارتی دیموكراتی كوردستان گۆتژی: دپاشەرۆژێ دا من دانایە خزمەتا گەنجان بكەم و ئێك ژپێنگاڤێن مەزن ب هاڤێژم دناڤ گەنجان دا ئەوان گەنجان بینم یێن كو داهێنان كری، چونكی ئەو یێن خزمەتێ دكەن و زەحمەتێ دبەن و ب راستی ژی زەحمەتا وان یا بەرزەیە و دێ خوە ل ئەوان كەینە خۆدان و هەتا نوكە ئەو بزاڤێن وەسا نەهاتینەكرن، ئەو داهێنەرێن دناڤ جڤاكێ مەدا و چو دبوارێ زانستی و كەرتێ ساخلەمی و جڤاكی هتد.. هەتا نوكە خوە لێنەكریە خۆدان و ئەڤە راستیەكە و دڤێت ئەم پێنگاڤێن باشتر ب هاڤێژین و خزمەتا گەنجان بكەین و دابشێن خزمەتا وەلاتێ خوە بكەین.
هەروەسا گۆت: ب شانازی ڤە دبێژم هەكە من ئەڤ پۆستە نە با ژی داهەر كارێ مامۆستایێ كەم، و یێ ئامادەمە هەكە پارتی دیموكراتی كوردستان بێژیتە من دێ دەستا ژ پەرلەمانتاریێ بەردەی ب شانازی ڤە ب رازیبوونەكا بێ دوو دلی دێ زڤرمە سەركارێ خوە ڤە.
ل دووماهیێ ژی گۆت: هەرخێزانەكا ئەم بچینە سەرەدانا وان ئێكەم ئاخفتنا وان ئەوە دبێژن ئەرێ دێ توژی وەكو پەرلەمانتارێن خۆلێن بوری بی و دڤێت ئەم ئەڤێ چەندێ راستڤەكەین، و دڤێت ئەو بەربژارێن ئەڤێ خۆلێ دەردكەڤن نوینەراتیا دەنگێن دلسوز و گەنج و ژن و شۆرەشگێرو خەباتكەران بكەن و دڤێت ئەم جارەكادی باوەریا خەلكی ب زڤرینەڤە و ئەو هزرا ئەو دكەن ئەم لادەین.
