دڤێت مفا ژ كارتا شنگالێ بهێته وه‌رگرتن
ئه‌ڤرۆ نیۆز، ناجی به‌ده‌ل:
هه‌ر ده‌وله‌ته‌كا دهێته دان ل گوری چه‌ند بنه‌مایه‌كان دهێته دانان و دانپیدان ل سه‌ر كرن لێ ده‌وله‌تا ئیسلامیی نه‌ده‌وله‌ته و كه‌سی دانپیدانێ پی نه‌كریه و هه‌تا ره‌فتارین وان ژی ل گه‌ل سلوكێ ئیسلامێ ناگونجیت رێكخراوا تیرۆریستی یه .
د.موسا مسته‌فا ئیبراهیم راگرێ فاكولتیا زانستێن مرۆڤیایه‌تی ل زانكویا دهۆكێ بوئه‌ڤرۆ نیوز راگه‌هاند: زومار و شه‌نگال نه ئیك پارچه و زنجیره‌یه به‌لكو ژیك جودانه و ده‌ڤه‌رێن عه‌ره‌بان ژی كه‌ڤتینه دانبه‌را وان له‌ورا تیرۆریستان ری ل زومار كر توخیبێ وێ ل گه‌ل توركیا و سوریا و جهه‌كێ زه‌نگینه ب نه‌فتێ و چاندنێ ڤه ژنشكه‌كێڤه جیرانه‌كێ درنده بو مه درۆست .
راگرێ فاكولتیا زانستێن مرۆڤیایه‌تی دیاركر مه ئاگه‌هـ ژ لڤینێن وێ گرۆپی بون و لێ مه بخو چ مفا ژێ وه‌رنه‌گرت له‌ورا توشی ئه‌وێ كاره‌ساتێ بوین نها دڤێت دوباره نه‌كه‌ینه ڤه چونكو د ستراتیژیه‌تا سیاسی و سه‌ربازی دا دڤیا داعشێ شه‌نگال بگریت و باژێرێ موسل و ره‌قا و حه‌سه‌كێ پێكڤه گریدده‌ت بو بهێزبونا وان و لیدانا وان رزگاربونا زماره و ده‌رگه‌هه بو به‌ره‌ڤ چونا شه‌نگالێ و دورپێچكرنا وێ .
د.موسا مسته‌فا دازانین شه‌نگال جزیرته‌یه‌كا كوردیه دناڤ به‌حره‌كا عه‌ره‌بی دایه و دڤێت هزر ل پشته‌ڤانی و تایبه‌ته‌كا پتر بهێته‌داین ب شه‌نگالێ و مفایی ژ رایایه‌كا نیڤده‌وله‌تی ل دژی داعشێ وه‌ربگرین .
ناڤبری دیاركر ژی ئه‌گه‌ر پێداچون و لخورڤرینه‌ك هه‌‌‌بیت داكو ب شیێن به‌ره‌ڤانیێ ژ خو بكه‌ین و داعش ل ده‌مه‌كێ نزیكی نامینیت و شه‌رێ بهێت دێ ل گه‌ل به‌غدا بیت و ئه‌ڤرۆ خه‌لك و ده‌و‌له‌ت هاریكاریا مه‌دكه‌ن ئه‌وێ رۆژێ نامینیت دڤێت خو به‌رهه‌ڤ بكه‌ین دا توشی قه‌یرانه‌كا دی نه‌بین.
