دھۆک پێنگاڤەکا مەزن بۆ پێش دووماھیا کاسا عیراقێ ھاڤێت
ئەڤرۆ نیوز، ھەژار مەعروف”
پشتی تیما تەپا پێ یا دھۆک دەست ڤالە ژ باشورێ عیراقێ ڤەگەریا دو خوسارەتی ل دویڤ ئێک ژ خۆلا عیراقێ داین ئەڤرۆ تیما دھۆک شیا سەرکەفتنەکا گرنک ل سەر یانا ختوت ژ کاسا عیراقێ یا تەپا پێ توماربکەت ل یاریگەھا وێ ل باژێرێ بەغدا ب گولەکێ بێ بەرامبەر و پێنگاڤەکا مەزن بۆ پێش دووماھیا کاسا عیراقێ ھاڤێت.
تیما دھۆک دڤێ یاریێ دا ل نیڤا ئێکێ پێشکەڤت بۆ ب گولا یاریکەر خالد موشیر ب لێدانەکا ئێکسەر و نیڤا دوێ ھەردو تیمان گەلەک بزاڤکرن لێ د بێ مفابوون و ئەنجام ھەر وەکو خوە ما د بەرژوەندیا دھۆکێ دا ب گولەکێ بێ بەرامبەر، بریارە تیما دھۆک یاریا خوە یا ھاتنێ بەرامبەر یانا ختوت ژ کاسا عیراقێ ل ٢٧-١٢-٢٠١٥ ل یاریگەھا دھۆک بکەت .
