دۆرێن 7 هزار قوتابیان سوبه‌هی دێ ئه‌زموونان ئه‌نجام ده‌ن
ئه‌ڤرۆ نیوز، ئازاد نسری:
رێڤه‌به‌رێ راگه‌هاندنا په‌روه‌ردا گشتی یا پارێزگه‌ها دهۆكێ دیار كر كو ئه‌زموونێن ده‌ستپێكی “تمهیدی” یێن پۆلا 12 ئاماده‌یی سالا خواندنێ 2019-2018 سوبه‌هی رۆژا چارشه‌مبی 2019/2/20 ل ده‌مژمێر 1ی پشتی نیڤرۆ دێ هێنه ئه‌نجامدان و 6986 قوتابی دێ پشكداریێ تێدا كه‌ن.
ئه‌حمه‌د عه‌بدوللا زوبێر رێڤه‌به‌رێ راگه‌هاندنا په‌روه‌ردا گشتی یا پارێزگه‌ها دهۆكێ بۆ ئه‌ڤرۆ نیوز گۆت ژی:(هه‌موو به‌رهه‌ڤی یێن هاتینه كرن و هه‌موو پێدڤیێن ئه‌زموونان یێن هاتینه دابینكرن).
ئه‌حمه‌د عه‌بدوللا زوبێر خویا كر كو 3824 قوتابی ل پشكا زانستی و 3061 قوتابی ل پشكا وێژه‌یی و 101 قوتابی ژی ل پشكا پیشه‌یی دێ پشكداریێ د ڤان ئه‌زموونان دا كه‌ن.
