دۆسته‌كا گه‌لێ كورد به‌حسێ رێگريێ ل هاتنا وێ بۆ كوردستانێ دكه‌ت
ئه‌ڤرۆنيوز:
چالاكڤانا ئه‌مازيغى يا مه‌غربى مه‌ليكه مه‌زان، كو ئێك ژ دۆستێن گه‌لێ كورده وپێشتر ل شه‌رێ دژى داعشێ پشته‌ڤانيا خوه بۆ پێشمه‌رگێ كوردستانێ دياركربوو، ئاشكرا كر كو ڤيزا سه‌ره‌دانا هه‌رێما كوردستانێ پێ هاتبوو دان، به‌لێ پۆليسێن مه‌غربێ رێ نه‌دايێ سه‌ره‌دانا كوردستانێ بكه‌ت وئه‌و ده‌سته‌سه‌ركر.
دوهى مه‌ليكه مه‌زان دبه‌رپه‌رێ خوه ل سه‌ر تۆرا فه‌يسبووكى ڤيزا ومۆله‌تا سه‌ره‌دانا هه‌رێما كوردستانێ به‌لاڤكربوو كو ل به‌ربوو ل 14/9/2017 سه‌ره‌دانا هه‌رێما كوردستانێ بكه‌ت بۆ پشته‌ڤانيێ ل ريفراندۆما كوردستانێ ومافێن گه‌لێ كوردستانێ، به‌لێ ژلايێ پۆليسێن مه‌غربێ ڤه ريگرى لێ هاته كرن وهاتبوو ده‌سته‌سه‌ركرن.
مه‌ليكه سه‌ره‌راى به‌لاڤكرنا به‌لگه‌ى، نڤيسى” ڤيزا چوونێ بۆ هه‌رێما كوردستانێ، به‌رى سێ رۆژان ژده‌سته‌سه‌ركرنا من ژلايێ پۆليسێن مه‌غربى گه‌هشتبوو ده‌ستێ من، هه‌رچه‌ند سه‌حكه‌مێ ژى، رۆندك ژ چاڤێن من دهێنه خوار”.
