دیزاینێ پڕۆژه‌یێ جۆتسایدكرنا رێیا سویاره‌تویكا بۆ سه‌رسنكێ راده‌ستی پارێزگه‌هێ هاته كرن
ئه‌ڤرۆ:
رێڤه‌به‌ریا گشتی یا رێك و پران ل پارێزگه‌ها دهۆكێ ب هه‌ڤكاری ل گه‌ل رێكخراوا VNG یا نێڤده‌وله‌تی دیزاینێ جۆتسایدكرنا رێكا د ناڤبه‌را دهۆك بۆ ئامێدیێ ژ سویاره‌تویكا هه‌تا ناوچه‌داریا سه‌رسنكێ وه‌كو قووناغا ئێكێ راده‌ستی پارێزگه‌ها دهوكێ كر.
ب ئاماده‌بوونا ماجد سه‌ید سالح، جێگرێ پارێزگارێ دهۆكێ بۆ كاروبارێن ته‌كنیكی و ئه‌ندازیار شێرزاد قادر مه‌حمود، رێڤه‌به‌رێ گشتی یێ رێك و پران ل پارێزگه‌ها دهۆكێ و ئه‌ندازیار برهان سبری سالح، سه‌رۆكێ ئه‌ندازیاران ل كارگێریا خوه‌جهی یا پارێزگه‌هێ و خانم ره‌وشه‌ن ئه‌ترووشی، رێڤه‌به‌را رێكخراوا VNG یا نێڤده‌وله‌تی دوهی 6/12/2022 دیزاینێ هه‌ڤپشك یێ رێڤه‌به‌ریا گشتی یا رێك و پران و رێكخراوا VNG یا نێڤده‌وله‌تی بۆ پڕۆژه‌یێ جۆتسایدكرنا رێكا د ناڤبه‌را سویاره‌تویكا بۆ ناوچه‌داریا سه‌رسنكێ راده‌ستی جێگرێ پارێزگارێ دهۆكێ هاته كرن.
جێگرێ پارێزگارێ دهۆكێ و رێڤه‌به‌را رێكخراوا VNG و رێڤه‌به‌رێ گشتی یێ رێك و پران به‌حسێ گرنگیا ئه‌نجامدانا پڕۆژه‌یێ جۆتسایدكرنا رێكا د ناڤبه‌را سویاره‌تویكا بۆ سه‌رسنكێ كر و دیار كرن كو ئه‌ڤ پڕۆژه‌یه دێ بیته ڤه‌ژاندنه‌كا دی بۆ ده‌ڤه‌رێ.
