دیلۆیت: شاشی د زانیاریێن هنارتن و فرۆتنا په‌ترۆلا كوردستانێ دا نینن
ئه‌ڤرۆ نيوز:
كۆمپانیا دیلۆیت یا جیهانی راپۆرتا خوه ل دۆر هووربینیا كه‌رتێ په‌ترۆل و گازا كوردستانێ به‌لاڤكر و راگه‌هاند، بۆ هنارتن و بكارئینانا په‌ترۆلێ ل گه‌ل فرۆتنێ د ماوێ د ناڤبه‌را 1/1/2018 هه‌تا 31/3/2018 مه چو شاشیه‌ك نه‌دیتیه.
د چارچوڤێ پرۆژێ هووربینیا سه‌ربخوه‌یا كه‌رتێ په‌ترۆل و گازێ ل هه‌رێما كوردستانێ، ئه‌ڤرۆ كۆمپانیا جیهانی دیلۆیت بۆ هووربیی و شیره‌تكاریێ، راپۆرتا سیسته‌مێ هووربینی و پشتراستكرنا زانیاریێن تایبه‌ت ب هنارتن و بكارئینان و مه‌زاختی و داهاتێن په‌ترۆلێ بۆ سێ هه‌یڤێن ئێكێ یێن سالا 2018 ب سێ زمانان به‌لاڤكر.
د هووربینی و ڤه‌كۆلینێن دیلۆیت دا هاتیه، “مه چو تشته‌كێ نه‌دروست د زانیاریێن هنارتن و بكارئینانا په‌ترۆلێ و هه‌روه‌سا فرۆتنا وێ دت نه‌دیتین”.
ل دووڤ هووربینیێن دیلۆیت هنارتن و بكارئینانا په‌ترۆلێ د سێ هه‌یڤێن ئێكێ یێن ئه‌ڤ ساله دا، گه‌هشتیه 30 ملیۆن و 503 هزار و 447 به‌رمیلان.
ل دووڤ راپۆرتا دیلۆیت، د ماوێ وان سێ هه‌یڤان دا، سه‌رجه‌مێ بهایێ ئێك به‌رمیلا په‌ترۆلا فرۆتی یا كوردستانێ ب بۆریا 54.81 دۆلار بوو، لێ هه‌ر به‌رمیله‌كا په‌ترۆلا تانكه‌ران ب 49.27 دۆلاران هاتیه فرۆتن.
دیلۆیت دبێژیت، سه‌رجه‌مێ بهایێ په‌ترۆلا خاف یا فرۆتی ملیاره‌ك و 559 ملیۆن و 412 هزار و 410 دۆلار بوون و هه‌روه‌سا بهایێ فرۆتنا په‌ترۆلا ب تانكه‌ران هاتیه ڤه‌گوهاستن 20 ملیۆن و 118 هزار و 37 دۆلار بوون.
ڤێرێ كلیك بكه بۆ دیتنا ده‌قێ راپۆرتا دیلۆت ب هه‌رسێ زمانێن كوردی، عه‌ره‌بی و ئینگلیزی
