دێ ب رژدی ل سەر پرۆژێ چاکسازیا ھەرێما کوردستانێ کار کەین
ئەڤرۆ، ره‌مه‌زان هه‌رنى:
ئەندامەکێ پەرلەمانێ کوردستانێ ل سەر لیستا پارتی دیموکراتی کوردستان راگەھاند، دی َھەموو بزاڤا کەین ل پەرلەمانێ کوردستانێ بۆ باشترکرن و خوشکرنا ژیان و ژیارا مووچە خوران و ئەکەسێن بێ مووچە ، ل کوردستانێ ب تنێ تەخا مووچە خورا خو پیشاندانا دکەن پێدڤیە ئەوێن بێ مووچە ژی کار بۆ بھێتە کرن.
محسن دوسکی ئەندامێ پەرلەمانێ کوردستانێ ل سەر لیستا پارتی دیموکراتی کوردستان بۆ رۆژناما ئەڤرۆ گوت: پەرلەمان جھێ وێ چەندێ نینە ب تنێ بەرەڤانیێ ل مووچە خورا بکەن، ژبەر کو مە گەلەک کەس ھەنە مووچە خور نینن، دڤێت پشتەڤانی و ھاریکاریا وان ژی بھێتە کرن و ژیانا وان خوشتر ببیت،ل ڤان سالێن دووماھیێ پەرلەمان ل جھەکێ پیروز بوویە جھێ گازندەیا ھاولاتیان، ژبەر کو خزمەتگوزاری یێن تەخ و چینێن جڤاکی وەک مووچە ب دروستی ناگەھن و مووچە خور گازندەیا دکەن، روژانە خوپێشاندان ئەنجامددەن، پێدڤیە ل گور داھاتێ ھەیڤانە مووچە بھێنە دابەشکرن و رێکخستن ، ھەکە داھاتێ حوکمەتێ تتێرا مووچەی نەکەت پێدڤیە مووچەیێ پلەیێن تایبەت بھێتە کێمکرن و وەک پەرلەمانتار و وەزیران، ب ھەموو رەنگا دێ کارکەین دژی نەھێلانا خانەنشینا پەرلەمانتاران پێدڤیە پشتی دووماھیک ھاتنا ئەرکێ پەرلەمانتاریێ پەرلەمانتار ل ناڤ پارتا خوە بچیتەڤ سەر کارێ خوە و ل ناڤ پارتا خوە بھێتە خانەنشینکرن.
دوسکی گۆتژی:پێدڤیە ئەو مووچە خوری ل ئەرکیدا پتر ژ خانەنشیکریەکێ مووچەی وەرگریت، ل خولا نوویا پەرلەمانێ کوردستانێ بۆ رێکخستنا مووچەی ل ھەمو سێکتەران و نەھێلانا خانەنشینا پەرلەمانتاریێ دێ کارکەین، دێ ب رژدی بۆ پەسەندکرنا پروژێ چاکسازیێ ل پەرلەمانێ کوردستانێ کار کەین، داکو گورانکاری بسەر سیستەمێ مووچەی دابھێت د بەرژەوەندیا گشتی دا بیت.