نه‌ڤێن دووباره ببنه سه‌رۆك وه‌زيرێن عيراقێ
ئه‌ڤرۆ نيوز، نيوار محه‌مه‌د سه‌ليم:
پشتى ده‌ست ژ كاركێشانا عادل عه‌بدولمه‌هدى و په‌سه‌ندكرنا وێ ژ لايێ جڤاتا نوونه‌رێن عيراقێ ڤه، نها راگه‌هاندنا عيراقى و جيهانى هه‌موو ب پێگوهۆڕێ وى ڤه د مژوولن كا دێ كى بيت ل جهێ وى خوه به‌ربژار بكه‌ت.
هه‌ر چه‌نده به‌حس ل گه‌له‌ك كه‌سان دهێته كرن كو تۆڕێن جڤاكى به‌لاڤكرينه، به‌لێ هه‌ر ب تنێ پشتى ل تۆڕێن جڤاكى به‌لاڤ دبن ئه‌وان ب خوه راگه‌هانديه كو د ئاماده نينن پۆستێ سه‌رۆك وه‌زيريێ ل عيراقێ وه‌ربگرن.
سه‌رۆكێ هه‌ڤپه‌يمانيا نه‌سر و سه‌رۆك وه‌زيرێ به‌رێ يێ عيراقێ، حه‌يده‌ر عه‌بادى، راگه‌هاند كو ئه‌وى ب چ ره‌نگه‌كى حه‌زا وێ چه‌ندێ نينه كو پۆستێ سه‌رۆك وه‌زيريا عيراقێ وه‌ربگريت نه‌ژى رۆلى د ده‌ستنيشانكرنا وى دا بگێريت.
ژ لايێ خوه ڤه نورى مالكى، سه‌رۆك وه‌زيرێ به‌رى وى ژى كو د هه‌مان ده‌م دا سه‌رۆكێ هه‌ڤپه‌يمانيا ده‌وله‌تا قانوونێ يه، راگه‌هاند كو ئه‌وى ژى چو نيه‌تێن خوه به‌ربژاركرنێ بۆ وى پۆستى نينن.
