دێ پارچێن ئه‌ردى ب خێزانێن شه‌هيدان هێنه دان
ئه‌ڤرۆ نيوز:
ل سه‌ر داخوازيا په‌رله‌مانتاره‌كێ گۆڕان، وه‌زاره‌تا باژێرڤانى و گه‌شتوگۆزار رازى بوو هه‌ر شه‌هيده‌كێ شه‌رێ داعش پارچه‌كا ئه‌ردى پێ بده‌ن ب گۆره‌يى جهێ بنه‌جهبوونێ و خزمه‌تگۆزاريان ژى ب گه‌هيننێ.
عه‌لى حه‌مه سالح، ئه‌ندامێ په‌رله‌مانێ كوردستانێ ل سه‌ر فراكسيۆنا گۆڕان ل په‌يجێ خوه يێ تايبه‌ت يێ تۆڕا جڤاكيا فه‌يسبۆكى به‌لاڤكريه: “من داخواز ژ حوكمه‌تا هه‌رێما كوردستانێ كر كو بۆ هه‌موو ئه‌و پێشمه‌رگێن ل شه‌رێ داعش شه‌هيد بووين پارچه‌كا ئه‌ردى ب خێزانێن وان بهێته دان”.
هاتيه ژى: “وه‌زيرێ باژێرڤان و گه‌شتوگۆزار ژى گۆته من ئه‌و د ئاماده‌نه هه‌ر خێزانا شه‌هيده‌كى پارچه‌كا ئه‌ردى بۆ دابين بكه‌ن ب گۆره‌يى جهێ بنه‌جهبوونێ و خزمه‌تگۆزاريان ژى بگه‌هيننێ”.
ب گۆره‌يى هنده‌ك ئامارێن فه‌رمى و هنده‌كێن نه‌يێن فه‌رمى ژ ده‌سپێكا شه‌رێ داعش و هه‌تا نوكه زێده‌ترى هزار و 500 پێشمه‌رگه ل شه‌رێ داعش داعش شه‌هيد بووينه.
