دێ چاوا خوە ژ سێ ژ بەربەلاڤترین نەخۆشیێن زڤستانێ پارێزی؟
ئەڤرۆ نيوز:
ئەگەرێن نەخۆشیێن زڤستانێ بۆ ڤایرۆسان ڤەدگەرن، ئانکو پێدڤیە وەختێ خوە وەربگرن و پێدڤی ب کارئینانا دەرمانێن دژەزیندەوەر نابی کو گەلەک ژ خەلکی ب کاردئینن بێی شیرەتێن نوژداران، ئەو دەرمان ل پتریا دەمان مفایی ل مرۆڤی ناکەن و زیانێن وان پترن و گرنگترین نەخۆشیێن وەرزێ زڤستانێ ئەڤێن ل خوارێ دیارکرینە:
• تا: تا، نیشانەکە ل گەل گەلەک نەخۆشیا پەیدادبیت، مەزن و زارۆکا دگریت، بەلێ ئەو ب خوە نەخۆشی نینە، لەورا گەلەک ئەگەر بۆ بلندبوونا پلا گەرمییا لەشی ھەنە، وەکو ھەودانێن ڤایرۆسی و بەکتری، لەورا ھەکە کوخکا ب بلغەم و سۆتنا دەستئاڤێ و لیرێن پیستی ل گەل نەبن، ئەو جھێ ترسێ نینە و دشیاندایە حەبکەکا تاکێمکرنێ بخووی و کەمادا ب ئاڤەکا سار دانی و ھەکە رەوش باشتر لێ ھات، قەستا دختوری نەکە، بەلێ ھەکە ئەو نیشان ل گەل بوون و پتر سێ رۆژا ڤەکێشا باشترە شیرەتا ژ نوشدارەکی وەربگری داکو ئەگەرێن وێ بزانی.
• پەرسیڤ: پەرسیڤ بەبەلاڤترین نەخۆشیا زڤستانێ یە، چو مرۆڤ ژی نینن کو جارەکێ دژیانا خوە دا تووشی پەرسیڤی نەببن، ئێک ژ گرنگترین ئەگەرانە کو فەرمانبەر نەچنە دەوامی و قوتابی نەچنە قوتابخانا، ھەر سالێ زارۆ 6-8 جارا تووشی نەخوشیێ دبن و مەزن 2-4 جارا.
گەلەک جورێن ڤایرۆسا دبنە ئەگەرێ پەرسیڤێ، و نیشانێن وێ دەستپێ دکەن ژ سەرئێشان و بێھنژین و تا و ھاتنەخوارا دفنێ و ژ رۆژەکێ ھەتا پێنج رۆژان دمینیت، دەربارەی پەرسیڤێ ب رێیا کوخینێ و بێھنژنینێ، دیسا ب کارئینانا کەلوپەلێن نەخۆشی یان تێکەلیا وی دھێتە ڤەگوھاستن، پێدڤیە نەخۆش بێھنا خوە ڤەدەت و گەلەک شلەمەنیان ڤەخووت و دیسا دەرمانێن ئێشکێمکرنێ و کەمادا ب کاربینیت، ھەروەسا دشێت ھلمێ بھلکێشیت وەکو پشکەک ژ چارەسەریێ.
ھەکە گوھێن وی ئێشان، یان بلغەمەکێ زەر و خوین ھەبوون و گەلەک دلێ وی رابوو، یان ھەناسا وی ب لەز و ب زەحمەت کەت و گرێیێن گەوریا وی یان بن گوھێن وی وەرمتن، دڤێت قەستا نوشدارەکی بکەت.
• کوخک: کگوخک ژی، دیسا نیشانەکە بۆ نەخۆشیێ و ئەو ب خوە نەخوشی نینە، ژ ئەگەرێ ھەودانێن ھەناسێ یان جورەکێ ھەستدایێ وەکو رەبوویێ پەیدادبیت، دبیت ژی کوخک یا ھشک بیت و بلغەم دگەلدابیت، ئەوژی رێکەکا بەرگریێ یە بۆ پاقژکرنا لەشێ مرۆڤی.
ئەگەرێن پەیدابوونا کوخکی ژی ڤایرۆس و بەکتریانە، ل دەمێ پەیدابوونا کوخکی، پێدڤیە نەخۆش گەلەک شلەمەنیێن گەرم و ئاڤێ ڤەخووت، ھەلمێ ب ھلکێشیت، خوە دوور بکەت ژ دەرمانان و بێی نوشداری ب کارنەئینت، و ل دەمێ بێھنا وی گەلەک تەنگ بوو، یان بلغەم و خوین ھەبوون و پتر ژ حەفتیەکێ ڤەکێشا و بەلاعیمێن وی ھەودانێ گرتن، دڤێت خوە نیشا نوشدارەکی بدەت.
دەربارەی نیشانێن کوخکی پێکھاتینە ژ: ئێشان ل دەمێ داعوورانێ و بلندبوونا پلا گەرماتیێ و نەخوش دشێت دەرمانێن ئێشکێمکرنێ و غەرغەرێ ب ئاڤا گەرم و خوێ ب کاربینت و دیسا گەلەک شلەمەنیا ڤەخووت.
