دێ 105 فلم پشكداریێ د شەشەمین فلمه فیستەڤالا دهۆك یا نیڤده‌وله‌تی دا کەن
ئەڤرۆ نیوز ، زنار تۆڤی:
د ئەڤ سالەدا دێ 105 فلم پشکداریێ د شەشەمین فلمە فیستەفالا دهۆک یا نێڤدەولەتی یا دهۆکێ دا کەن.
د کۆنگرەکێ رۆژنامەڤانیدا دا شه‌وكه‌ت ئه‌مین کورکی سه‌رۆكێ هۆنه‌ری یێ فلمە فیسته‌ڤالا دهۆکێ گۆت: ئەڤ سالە ژۆریەک هاتیە زێدەکرن ب ناڤێ دەستەیا رەخنەگرێن نێڤدەولەتی ، کو دێ خەلاتێ رەخنەگری دەنە فلمەکێ فیستیڤالا دهۆکێ، هەروەسا شه‌شه‌مین فلمه فیسته‌ڤالا دهۆك یا نیڤده‌وله‌تی دێ ل رۆژێن 20 هەتا 27 هەیڤا چریا ئێکێ یا بەردەوام بیت، ژ سەرجەمێ 600 فلمێن گەهشتینە فیستەڤالێ 105 فلم ژ بۆ پشكداریكرنێ د فلمه فیسته‌ڤالا دهۆك یا نیڤده‌وله‌تی هاتینه وەرگرتن ل هەموو پشکێ فیستەڤالێ، کو ژ 50 وەلاتێن جیهانی نە، هەروەسا ئەڤ سالە پێنج فیچەر و دو فلمێن دکیۆمێنتاری ژی پشکداری فیستیڤالێ بووینە، ل گەل پێنج کورتە فلمان، هەروەسا دێ چەندین تەوەرێن دیتر هێنە بەحسکرن د رۆژانێن فیستەڤالێ دا و دیسا دێ بەحسێ رۆلێ ژنا کورد د سینەمایێ دا هێتە کرن.
