دێ 700 كه‌س هێنه دامه‌زارندن
ئه‌ڤرۆ نيوز:
وه‌زيرێ ساخله‌ميێ ل حوكمه‌تا هه‌رێما كوردستانێ راگه‌هاند كو ئه‌و دێ 700 ده‌رچوويێن زانكۆ و په‌يمانگه‌هێ ژ نوشدار و نوشدارێن ده‌رمانسازى و نوشدارێ ددان و هنده‌ك په‌رستاران دامه‌زرينيت، رێكخراوا جيهانى يا ساخله‌ميێ ژى دێ چه‌ند كه‌سان ب شێوێ گرێبه‌ست دامه‌زرينيت ژ به‌ر زێده‌بوونا ئاواران.
د. رێكه‌وت حه‌مه ره‌شيد، وه‌زيرێ ساخله‌ميێ ل حوكمه‌تا هه‌رێمێ بۆ خه‌ندان گۆت: “ژ به‌ر پله‌به‌نديا نوشدارى، نێزيكى 570 نوشدار و ده‌رمازنسا و نوشدارێن ددان و هنده‌ك په‌رستاران يێن زانكۆيێ دێ دامه‌زرينن و نێزكى 130 پلێن دژى ژ په‌رستارێن زانكۆيێ و نوشداريا ددنانان دێ دامه‌زرينن”. گۆتژى: “نابيت پله‌به‌نديا ڤان ده‌رچوويان گيرۆ ببيت”.
ئاماژه ب وێ چه‌ندێ ژى كر كو ريكخراوا ساخله‌ميا جيهانى ژى دێ هنده‌ك ده‌رچوويێن په‌يمانگه‌هێ ژ په‌رستار و هاريكارێن سڕكه‌ران ب ره‌نگێ گرێبه‌ست دامه‌زرينيت، دا كو ئه‌و بۆشيايێن ده‌وامێ ژ ئه‌گه‌رێ زێده‌بوونا ئاواران پڕ بكه‌ت.
