دەربارەی سکالایا ل سەر تەپا پێ یا عیراقێ ئەڤرۆ نیوز ل دادگەھا کاس ئامادەیە
سویسرا، ئازاد گۆلەیی:
بریارە ئەڤرۆ پشتی دەمەکێ کێم روونشتنا دویێ دەربارەی سکالایا عەدنان دەرجال ل سەر ئێکەتیا تەپا پێ یا عیراقێ برێڤەچیت ل دادگەھا کاس ل سویسرا ، پشتی ناڤبری ھاتیە دورخستن ژ ھەڤرکیێن ھەلبژارتنان.
پەیامنێرێ ئەڤرۆ نیوز ل بارەگایێ دادگەھێ یێ ل باژێرێ لوزان یێ سویسری ئامادەیە بۆ ھەر پێشھاتەکێ دەربارەی سکالایا شاندێ نەرازی ل سەر ھەلبژارتنان کو عەدنان دەرجال سەرکێشیا وێ دکەت.
ھەژی گۆتنێ یە دوھی روونشتنا ئێکێ یا دادگەھا کاس دا دادگەھێ گۆھێ خوە دابوو گۆتنێن داواکارێن سکالایێ و دیدەڤانێن وان زێدەباری بەرھەڤکرنا بەلگەیێن پێدڤی بۆ ھەلوەشاندنا ھەلبژارتنێن ئێکەتیا تەپا پێ یا عیراقێ، و روونشتنا ئەڤرۆ دێ یا تایبەت بیت بۆ ئێکەتیا تەپا پێ یا عیراقێ پێخەمەت بەرەڤانیێ ژ خوە بکەت و بەلگەیێن خوە ژی رادەستی دادگەھا کاس بکەت داکو ل ماوێ بھێت شەرعیەتا وان ب سەلمینت.
