دەرگەھێ سایلۆیا شێخان بۆ وەرگرتنا گەنمێ سێ قەزایان دێ ھێته ڤەکرن
ئەڤرۆ نیوز ،بارزان مزووری :
مازن گاڤان،رێڤەبەرێ سایلویا شێخان بۆ ئەڤرۆ نیوز گوت:ئەڤرۆ پێنجشه‌مبى ١٣/٦/٢٠١٩ بریار ھاتیە دان ژلایێ وەزارەتا بازرگانی یا عێراقێ ڤە کۆ دەرگەھێ سایلویا شێخان ل رێکەفتی ١٤/٦/٢٠١٩ بھێته ڤەکرن بەرھەمێ گەنمێ جوتیارێن قەزایێن ئاکرێ و شێخان و بەردەرەش وەرگریت ل دووڤ رێنمایێن سالا بوری.
ناڤھاتی خویاکر زێدەتری ١٧٠ ترومبێلێن بارھەلگر ھەرئێک ژوانا زێدەتری ٣٠ تەنێن گەنمی بارکرینە ئەڤە زێدەتری ٨ روژە د سرایێ دا.
گوت ژى” سالا بوری بتنێ بەرھەمێ قەزایێن ئاکرێ و شێخان ل سایلویا شێخان ھاتبوو وەرگرتن، ئەڤ ساله بەردەرەش ژی بەرھەمێ خوه ئینایه سایلویا شێخان”.
