دەستهەلاتا دادوەری ناڤێن بەرپرسێن نڤێسینگەهێن كۆمسیۆنێ راگەهاندن
ئەڤرۆ نیوز ، زنار تۆڤی :
دەستهەلاتا دادوەری ل عێراقێ پشتەڤانی ل بریارا رۆژا شەشێ ڤێ هەیڤێ یا پەرلەمانێ عێراقێ کر ، کو هژمارەكا دادوەران بۆ پۆستێن بەرپرسێن نڤێسینگەهێن كۆمسیۆنێ ل باژێرێن عێراقێ راگەهاندن.
ئەو دادوەرە دێ ب بەشێوەکێ دەمکی سەرپەرشتیا كارێن نڤێسینگەهێن كۆمسیۆنێ ل باژێرێن عێراقێ كەن کو ژلایێ جڤاتا دادوەریڤە هاتینە راسپاردن ، پشتی بڕیارا پەرلەمانێ عێراقێ ل روونشتنا چارشەمبیا بوری کو دووپاتی ل هندێ كریە ، کو پێدڤیە دەستهەلاتا دادوەری بۆ نەه دادوەران ل جهێ جڤاتا كۆمسیاران بهێته دانان و بەرپرسێن نڤێسینگەهێن كۆمسیۆنێ ژی ل باژێران ب هەمانشێوە ژلایێ دەستهەلاتا دادوەریڤە، دادوەرەک بهێته راسپاردن بۆ سەرپەرشتكرنا وان .
بڕیارا جڤاتا دادوەری ل عێراقێ ب نڤیسارەکا فەرمی یا ژمارە 591 ل 10 ڤێ هەیڤێ دەرچوویە و تێدا ب پشتبەستن ب راستڤەکرنا سێیەم قانوونا هەلبژارتنێن پەرلەمانی بریار هاتیەدان ب دامەزراندنا ژمارەکا دادوەران بۆ بەرپرسێن نڤێسینگەهێن كۆمسیۆنا بلند یا هەلبژارتنێن عێراقێ جۆدا ژ باژێرێن هەرێما كوردستانێ ، داکو كاروبارێن كۆمسیۆنێ برێڤە ببەن.
ئەو دادوەر ژی ئەڤەنە:
ئەحمەد عەبدولسادە نەوفان، نڤێسینگەها رەسافە/بەغدا.
سەباح عەدنان ئیسماعیل، نڤێسینگەها كەرخ/بەغدا.
عەبدولرەحمان سالح، نڤێسینگەها بەسرە.
مەحموود عەبدولا حسێن، نڤێسینگەها مووسل.
عادل جاسم كازم، نڤێسینگەها كۆمسیۆنێ ل بابل.
قاسم محەمەد سلێمان، نڤێسینگەها كەركووكێ.
حوسێن عەلی سەیهوود، نڤێسینگەها زیقار.
محەمەد كەریم جەبار، نڤێسینگەها نەجەف.
عەلی دایج جەربان، نڤێسینگەها ئەنبار.
فەلاح كەریم وناس، نڤێسینگەها واست.
عامر ڕەشید حەمادی، نڤێسینگەها سەلاحەدین.
عەمار سامر، نڤێسینگەها دیالە.
جەبار جومعە سەلمان، نڤێسینگەها میسان.
عامر ئەحمەد عەبد ئەلكاتب، نڤێسینگەها موسەنا.
عادل بەدر عەلوان، نڤێسینگەها كەربەلا.
حەیدەر عەلی عەبدولحوسێن، نڤێسینگەها قادسیە.
