دەمێ دەستپێکرنا دەواما زانکۆیان ھاتە راگەھاندن
ئەڤرۆ نیوز:
وەزارەتا خواندنا بلند راگەھاند، هەکە رەوشا ساخلەمیێ وەکی نوکە یا باش بیت، دێ ١٦ گۆلانێ دەست ب دەوامێ کەین.
ئەڤرۆ 4 گولانا 2020 ئارام محەمەد قادر وەزیرێ خواندنا بلند و ڤەکولینێن زانستی یێ حوکمەتا هەرێمێ راگەهاند، هەکە رەوشا ساخلەمیێ ب ڤی رەنگێ نوکە بیت، دێ ل ١٦ گۆلانێ خواندنێ د ناڤ کومپێن زانکویێن کوردستانێ دا دەست پێکەین.
ناڤهاتی گۆتیە ژی، د پلانا مە دایە، ل ١٦ گۆلانا ٢٠٢٠ خواندنا ئاسایی د کەمپێن زانکویان دا دێ دەست پێکەین، هەکە چ ئاریشێن ساخلەمیێ نەبن و قوناغ ب قوناغ دێ شێین ژیانێ ئاسایی کەین.
دیار کریە ژی، بۆ ڤێ مەرەمێ جڤاتا وەزارەتا خواندنا بلند و ڤەکولینێن زانستى د دەمەکێ نێزیک دا دێ کۆمبیت و دێ بریارەکا ئێکلاکەر دەربارەى ڤێ چەندێ دەت.
