دەمێ راگرتنا گەشتێن ئەسمانی یێن عیراقێ و هەرێما كوردستانێ هاتە درێژ كرن
ئەڤرۆ نیوز:
وه‌زاره‌تا ڤەگوهاستن و گه‌هاندنا حكومه‌تا هه‌رێما كوردستانێ راگه‌هاند، ده‌ستهەلاتا فرۆكه‌ڤانیا مه‌ده‌نی یا عیراقی دەمێ راگرتنا گه‌شتێن ئەسمانی یێن عیراقێ و هه‌رێما كوردستانێ هەتا 18 ڤێ هەیڤێ درێژ كرن.
ده‌قێ راگه‌هاندنا وه‌زاره‌تا ڤەگوهاستن و گه‌هاندنێ:
د نڤیسارەکێ دا ده‌ستهەلاتا فرۆکه‌ڤانیا مەدەنی یا عیراقی بۆ جارا سیێ دەمێ راگرتنا گەشتێن ئەسمانی ل سه‌رجه‌م فرۆکخانێن عیراقێ و هەرێما کوردستانێ هەتا رۆژا ٢٠٢٠/٤/١٨ درێژ کرینە.
ئەڤ بریاره گه‌شتێن هاتنوچوونا فرۆکێن هەیڤا سوور و سەربازى و هاریکاریێن ساخلەمیێ و بارهه‌لگرێن (کارگۆ) ڤەناگریت.