دەم و جهێ كۆمبوونا دناڤبەرا ترامپی و كیم جۆنگی هاتە ئاشكرا کرن
ئەڤرۆ نیوز ، زنار تۆڤی :
ل رۆژا سێشەمبیا بهێت ل سەنگافورە دێ ئێکەمین كۆمبوونا دناڤبەرا دۆنالد ترامپی سەرۆكێ ئەمریكا و كیم جۆنگ ئون سەرۆكێ كۆریا باكور هێتە ئەنجامدان.
كۆچکا سپی بەلاڤەكریە کو رۆژا سێشەمبی 12-6 ل دەمژمێر 9 سپێدێ ل سەنگافورە دێ ئێكەمین كۆمبوون دناڤبەرا دۆناڵد ترامپی سەرۆكێ ئەمریكا و كیم جۆنگ ئون سەرۆكێ كۆریا باكور هێتە سازکرن.
سارا ساندرز پەیڤدارا سەرۆكێ ئەمریكا راگەهاند: ئامادە كاریێن تەمام هاتینە كرن بۆ كۆمبونا ڤی لوتكەی و پێشكەفتنێن مەزن د دانوستانێن دناڤبەرا واشنتۆن و بیۆنگ یانگ بدەستڤە هاتینە.
دۆنالد ترامپێ سەرۆكێ ئەمریكا راگەهاند : کو ئارمانجا وان د وێ كۆمبوونێدا رامالینا چەكێ ئەتۆمیە ل نیمچە دوورگەیا كۆریا ،لێ هەتا نوکە خشتێ تەمام یێن کارێ وێ كۆمبوونێ نەهاتیە راگەهاندن.