دەنگدان لسەر ریفراندوما کوردستانێ د میدیایێن جیھانی دا
ئەڤرۆ نیوز ، نەوزاد ھلۆری:
ب رێڤەچوونا پرۆسەیا ریفراندۆما سەربخوەی یا کوردستانێ بویە مانشێتا پرانیا کەنال و راگەھاندنێن جیھانی و ب گرنگ رومال کریە.
کەنالێ FOXNEWS بەحس ل وێ یەکێ کریە کو دەنگدان بو سەربخوەی یا کوردستانێ و دەڤەرێن ڤەقەتیایی دەستپێکریە و کو ئەو ژی ژ بوو تومارکرنا دیروکەکا نویە ل کوردستانێ
کەنالێ BBC ژی دیارکر یە کو کورد گوھداریا چوو ھەرەشەیان ناکەن و کەڤالێن نەخوشێن بوریی َخوە دینن بیرا خوە و ئەڤرۆ د پروسەیەکا دەنگدانێ دا دەنگ بو ریفراندۆمێ لگەل عیراقێ دا.
کەنالێ ئەلعەرەبیەیێ سعودی ژی دیارکریە کو ئەڤرۆ ئاکنجیێن ھەرێما کوردستانێ بەر ب ریفراندۆمێ ڤە بو جودابوون ل عیراقێ چوون و ئاماژە ب ئاخفتنێن بارزانی یێن دوماھیێ ژی کرن کو شەڤا بوری د پرێسکونفرانسەکێ دا راگەھاندبوو.
کەنالێ جەزیرەیێ قەتەری ژی د بابەتەکێ دا دیارکریە کو دەنگەدەرێن کورد ل کوردستانا عیراقێ بەر ب سندوقێن دەنگدانێ ڤە چوون ژ بوو جودابوون ژ عیراقێ کوە ژمارا وان زێدەتر ژ پێنج ملیون کەسان ، و ئاماژە ب وەلاتیێن کەرکوکێ ژی کریە وەکو ئێک ژ باژێرێن گرن گیێن ھەرێما کوردستانێ
ھەروەسا کەنالێ BBC یێ عەرەبی ژی دیارکر کو وەلاتیێن ھەرێما کوردستانێ ئەڤرۆ د پرۆسەیا ریفراندۆمێ دا دخوازن ل عیراقێ جودابن و دخوازن کو ببنە جیرانێن باش ، ئاماژە بگرتن و ڤەکرنا خالێن سنوران ژی کریە ژلایێ عیراق و ئیرانێ. 