دەنگویێ لادانا عزەدین بەرواری ھاتە رەتکرن

ئه‌ڤرۆ نيوز:
جڤاتا سەرکردایەتیا پارتی ل سلێمانیێ رەت کر، کو عزەدین بەرواری ھاتبیتە گھۆڕین و شێخ ئەدھەم بارزانی ھاتبیتە دەستنیشانکرن بۆ سەرکردایەتیا سلێمانیێ، پەیڤدارێ پارتی ژی دبێژیت “ئەگەر بڕیارەکا وەسا دەرچوو ئەم دێ ب شێوەیەکێ فەرمی ھێینە ئاگەھدارکرن”.
فارس نەوڕۆلی، پەیڤدارێ پارتی ل جڤاتا پارێزگەھا سلێمانیێ بۆ رۆژناما ئەڤرۆ گۆت “ئەڤ پێزانینێن ل دۆر گھۆڕینێن پارتی ل سنوورێ پارێزگەھا سلێمانیێ دھێنە بەلاڤکرن چ راستی بۆ نینە و گۆت “عزەدین بەرواری ھەر ل پۆستێ خوە مایە وەکی بەرپرسێ جڤاتا سەرکردایەتیا پارتی دیمۆکراتی کوردستان ل پارێزگەھا سلێمانیێ و رۆژانە دەواما خوە دکەت”.
نەوڕۆلی گۆتژی “چ کەس و مەکتەبا سیاسی ل دۆر گھۆڕینا عزەدین بەرواری و ھاتنا ئەدھەم بارزانی بۆ جڤاتا پارێزگەھا سلێمانیێ ئەم ئاگەھدار نەکرینە، چونکی ئەگەر بڕیارا گۆھۆڕینان ھاتە دەرکرن، ئورگانێن حزبی دێ ب شێوەیەکێ فەرمی ھێنە ئاگەھدارن”.

کۆمێنتا تە