د ئاماده‌نه شيره‌تكارێن له‌شكرى ره‌وانه‌يى هه‌رێمێ بكه‌ن
ئه‌ڤرۆ نيوز:
فه‌لاح مسته‌فا به‌رپرسێ په‌يوه‌نديێن ده‌رڤه يێ حوكمه‌تا هه‌رێما كوردستانێ د درێژاهيا سه‌ره‌دانا خوه دا بۆ كرۆاتيا چاڤ ب ئانتێ وه‌زيرێ به‌ره‌ڤانيا كرواتيا كه‌فت، كۆنرۆمانۆڤێچ ئاماژه ب رۆلێ قاره‌مانى و ئازايه‌تيا هێزێن پێشمه‌رگه‌يى كر د روو ب رووبوونا تيرۆرستێن داعش داعش دا و ته‌كست ل سه‌ر وێ چه‌ندێ كر كو ئه‌و دێ به‌ره‌ده‌وام بن ل سه‌ر پشته‌ڤانيكرنا هێزێن پێشمه‌رگه‌يى د روو ب رووبوونا گرۆپێن تيرۆرستى دا.
د به‌رامبه‌ر دا به‌رپرسێ په‌يوه‌نديێن ده‌رڤه ب ناڤێ حوكمه‌تا هه‌رێمێ و گه‌لێ كوردستانێ، سۆپاسيا حوكمه‌تا كرواتيا كر بۆ هاريكاريا له‌شكرى يا هێزێن پێشمه‌رگه‌يى كو كاريگه‌رى هه‌بوويه ل سه‌ر شكه‌ستنا داعش.
گۆتژى: “هێزێن پێشمه‌رگه‌يى ب وره‌يه‌كا بلند خه‌باتێ دكه‌ت بۆ پاراستنا بهايێن مرۆڤاتيێ و ديموكراتيێ و مافێ پێكهات و نه‌ته‌وان بێ جوداهى”، كورتيه‌ك ژى ده‌رباره‌يى ده‌رباره‌يى هاتنا ئاواران و كاودانێن هه‌رێما كوردستانێ و په‌يوه‌نديێن نێڤبه‌را به‌غدا و هه‌رێما كوردستانێ و ره‌وشا ئابوورى پێشكێشكر.
وه‌زيرێ به‌ره‌ڤانيا كرواتيا رۆلێ پێشمه‌رگه‌يى بلند هه‌لسه‌نگاند و ئاماده‌يا وه‌لاتێ خوه ده‌ربڕيى بۆ هاريكاريكرنا هێزێن پێشمه‌رگه‌يى ژ لايێ مه‌شقكرنا هێزێن پێشمه‌رگه‌يى و چاره‌كرنا برينداران و هنارتنا شيره‌تكارێن له‌شكرى.