“د ئاماده‌ينه شه‌رى بكه‌ين، به‌لێ..”
هه‌ڤسه‌رۆكێ پارتى ديموكراتى كوردستان ل سوريا سعود مه‌لا ب مالپه‌رێ فه‌رمى يێ پارتى ديموكراتى كوردستان PDK.info راگه‌هاند كو ئه‌و د ئاماده‌نه بچنه كۆبانێ و شه‌رى دژى داعش بكه‌ن، به‌لێ ئه‌و ژ شه‌رێ ناڤخۆ دترسن.
مه‌لايى ئاشكه‌را كر كو ئه‌و ژى و پارتيێن دى ژى يێن ناڤ جڤاتا نشتيمانى دا د ئاماده‌نه بچنه كۆبانى شه‌رى بكه‌ن، به‌لێ ئه‌و ژ شه‌رێ براكۆژيێ دترسن.
ئاماژه ب وێ چه‌ندێ ژى كر كو ئه‌و نوكه د ئاماده‌نه بچنه كۆبانى و شه‌رى بكه‌ن، به‌لێ په‌يه‌ده رێ ناده‌ت و هه‌ر ده‌م ئاسته‌نگان ل هه‌مبه‌رى وان دروست دكه‌ت.
سعود مه‌لا گۆت: “ئه‌و دخوازن هه‌ر كه‌س ل ژێر فه‌رمان و داخوازا وان بيت و ل ژێر ئالايێ وان بيت و چو كه‌سه‌ك ژى ڤێ قه‌بوول ناكه‌ت ل ژێر ئالايێ پارتيێن دى بيت”.
سكرتێرێ پارتى ديموكراتى كوردستان ل سوريا ئاماژه ب وێ چه‌ندێ كر كو ئه‌و نوكه يێ كار ل سه‌ر وێ چه‌ندێ دكه‌ن هه‌ڤركى د ناڤبه‌را وان دا نه‌مينن، دا بشێن شه‌رى دژى داعش بكه‌ن.
مه‌لا وێ چه‌ندێ ژى ئاشكه‌را دكه‌ت كو ئه‌و د ئاماده‌نه ل بن ناڤێ جڤاتا نشتيمانى دا شه‌رى بكه‌ن و ئه‌وان بڕياردايه بچنه كۆبانێ شه‌رى بكه‌ن، به‌لێ د ئاماده نينن ل بن ناڤێ يه‌په‌گێ شه‌رى بكه‌ن.
به‌رهه‌ڤكرن، نيوار محه‌مه‌د سه‌ليم:
