د دوو ھەیڤێن بوری دا مار و دوپشکان ب 178 کەسێن ڤێ دەڤەرێ ڤە داینە
ئەڤرۆ نیوز ، نەوزاد ھلۆری:
تنێ د ماوەیێ دوو ھەیڤێن بوری دا ل سنوورێ دەڤەرا بارزان 178 کەس توشی پێڤەدانا دوپشک و ماران بوینە و ھەموو ژی ل رێڤەبەریا نەخۆشخانا گشتی یا بلێ ھاتینە چارەسەرکرن بێی کو ئێک ژ وان گیانێ خوە ژ دەست بدەت.
دڤی واریدا “دکتور ھەوار عەبدوللا دری ” رێڤەبەرێ رێڤەبەریا نەخۆشخاناگشتی یا بلێ ل دەڤەرا بارزان بۆ ئەڤرۆ نیوز گۆت: ( د ھەیانا دوو ھەڤێن بوری ل رێکەفتی 1/6/2017ھەتاکو 31/7/2017ل نەخوشخانا گشتی یا بلێ چارەسەریێن پێدڤی بو 178 کەسان ھاتینەکرن ژبەر پێڤەدانا دوپشک و ماران ژ وانان 12 کەس ب پێڤەدانا ماری و 166 ژی ژ پێڤەدانا دوپشکی بوون)
زێدەتر گۆت: ( دەڤەرا بارزان ئێکە ژ وان دەڤەرێن چیایی و سنورەکێ جوگرافیێ بەرفرەە ھەیە و دیسان ئەگەرا گورانکاریێن کەش و ھەوایی و بلندبوونا پلەیێن گەرمایێ دوپشک و مار زورن ، بەلێ سوپاس بو خودێ چوو ژ وان کەسان گیانێ خوە ژ دەست نەدایە ژ بەرکو ب زوترین دەم ژلایێ تیمێن مە ھاتینە چارەسەرکرن و یا پێدڤی بو ھاتیەکرن)
