د دەمێ بەرھەڤکرنا بارھەلگرەکا بۆمبڕێژکری دا 20 داعش ھاتنە کوشتن
ئەڤرۆ نیۆز، قائید میرۆ
د ئەنجامێ پەقینا ترۆمبێلەکا بۆمبڕێژکری دا ل باژێڕێ مووسل 20 چەکدارێن داعش ھاتنە کوشتن و زیانێن مەزن گەھاندن تاخێ پیشەسازیا مووسل.
غەیاس سورچی، پەیڤدارێ ئێکەتی نیشتیمانی کوردستان ل مووسل بۆ ئەڤرۆ نیۆز راگەھاند: “دوھی دەمێ بۆمبڕێژکرنا ترۆمبێلەکا بارھەگر ل پیشەسازیا وادی عەگال کو دکەڤیتە لایێ راستێ یێ باژێڕێ مووسل ئەف ترۆمبێل ب تیرۆرستێن داعش ڤە پەقی و زیانێن مەزن گەھاندنه چەکدارێن داعش”.
سورچی گۆتژی: “ب گورەی ئەڤان زانیاریێن ناڤا مووسل گەھشتینە دەستێ مە، د ئەنجامێ ئەڤێ پەقینێ 20 چەکدارێن داعش ھاتینە کوشتن و حەفت ترۆمبێلێن وان ژی یێن نێزیکی بۆیەرێ ھاتینە سووتن، ئەڤە ژبلی زیانێن گەھاندینە تاخێ پیشەسازیا وادی عەگال.
