د روودانه‌كا ترافيكێ دا ئه‌فسه‌ره‌كێ پێشمه‌رگه‌ى گيانێ خوه ژ ده‌ست دا
ئه‌ڤرۆ نيوز:
د روودانه‌كا هاتنوچوونێ دا ل چواريانا به‌ستۆره‌يى سێ ترۆمبێلان لێكدا و د ئه‌نجام دا ئه‌فسه‌ره‌كێ پێشمه‌رگه‌ى ب ناڤێ نالين عه‌بيد گيانێ خوه ژ ده‌ست دا و دو وه‌لاتى ژى ب سڤكى بريندار بوون.
ب گۆره‌ى راگه‌هاندنه‌كا پۆليسێن هه‌ولێر د ڤێ ده‌ربارێ دا دا زانين كو ئه‌ڤرۆ رۆژا شه‌مبى رێكه‌فتى 8ى نيسانا 2017ێ روودايه، سێ ترۆمبێلێن ژ جۆرێ لۆرى بارهه‌لگر، شيفرۆلێت و تۆيۆتا له‌ندۆگرۆزه‌ر لێدايه.
پۆليسێن هه‌ولێر خۆيا كريه كو پشتى پشكنين و هێلكاريا جهێ روودانێ، ديار بوويه كو لوريا بارهه‌لگر ب رێژا 100% سه‌رپێچى كريه و ئه‌گه‌رێ روودانێ بوويه.
