د روودانه‌كێ دا كه‌سه‌كى گیانێ خوه ژ ده‌ست دا
ئه‌ڤرۆ نیوز:
ئێڤاره دره‌نگیا ئه‌ڤرۆ دناڤ سه‌نته‌رێ باژێرێ دهۆكێ ل نێزیك ئه‌ڤه‌ر پاسا كوردستان روودانه‌كا ترافیكێ د ناڤبه‌را سێ ترومبێلان دا روودا و د ئه‌نجامدا كه‌سه‌كى گیانێ خوه ژ ده‌ست دا و دو كه‌س ژى بریندار بوون.
ئازاد ته‌ها، به‌رپرسێ راگه‌هاندنا هاتنوچوونا پارێزگه‌ها دهۆكێ گۆت: (ئه‌ڤرۆ نێزیكێ ده‌مژمێر شه‌شێ ئێڤارى ژ ئه‌نجامێ روودانه‌كا هاتنوچوونێ د ناڤبه‌را سێ ترومبێلان دا، كه‌سه‌كى گیانێ خوه ژ ده‌ست دا ودو كه‌س بریندار بوون).
زێده‌تر گۆت: (روودان د ناڤبه‌را سێ ترومبێلێن ژ جورێ ته‌كسى سه‌نى، ته‌كسى بیكاجو و كامرى تایبه‌ت دروستبوویه، بریندارێن روودانێ بۆ نه‌خوه‌شخانا ته‌نگاڤیان هاتنه هنارتن).
