د روودانەکا ترافیکێ دا شۆفێرەکێ گیانێ خوە ژ دەستدا
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا دیارکرن:کو شڤێدی د روودانەکا ترافیکێ دا شۆفێرەکی گیانێ خوە ژ دەستدایە.
ناڤهاتی ئەو یەک ژی دا خویاکرن:کو ل شەڤا بوری 31/3/2018 ل دەمژمێر (2:20) خولەکی ب شەڤ ل جادا سەرەکی یا ئیبراهیم خەلیل و ل نێزیکی بانزیخانا فیردەوس ژ ئەگەر‌ێ هاژۆتنا رووت ساید و ب لەز ترومبێلەکا کرێ تەکسی کرۆلا خوە ل کلبستونێ نیڤا جادێ دایە و د ئەنجامێ وێ روودانێ دا شۆفێرێ وێ ترۆمبێلێ گیانێ خوە ژ دەست دایە و هه‌روه‌سا زیانێن مادی یێن به‌رچاڤ ژی ب ترۆمبێلا وی كه‌فتینە.
