د روودانەکا هاتنوچوونێدا کەسەکێ گیانێ خوە ژ دەستدا
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ مالپەرێ ئەڤرۆ نیوز دا خویاکرن: کو د روودانەکا هاتنوچوونێ ترۆمبێلەک ل باژێرێ دهۆکێ کەسەکێ گیانێ خوە ژ دەستدا.
ناڤهاتی زێدەتر دا دیارکرن : ل شەڤا دووشەمبی 4.6.2018 و ل دەمژمێر 12:20 خولەک و ل نێزيك ئاڤاهیێ ئێکگرتوو ل باژێرێ دھۆکێ روودانەك پەیدابوویە ژ جورێ لێگدان و وەرگەریان دناڤبەرا چار ترۆمبێلاندا ، کو ترۆمبێلەک ژ وان كيیا سيراتو تایبەت ل گەل دو شوفرلێتێن ئۆپترا و ل گەل ترۆمبێلەکا رەف بووینە ، د ئەنجامێ ڤێ روودانێ دا کەسەکێ گیانێ خوە ژ دەست دایە و هەروەسا دوو کەسێن دیتر ژی ب گرانی برینداربووینە ، دیسا زیانێن مادی ژی ب وان ترۆمبێلان کەفتینە.