د روودانەکا هاتنوچوونێ دا حەفت کەس بوونە قوربانی
ئەڤرۆ نیوز ، زنار تۆڤی:
پەیڤدارێ رێڤەبەریا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا هاتنوچوونێ دا کەسەکێ گیانێ خوە ژ دەستدا و شەش کەس ژی بریندار بوون.
موقەدمێ مافپەروەر ئازاد تاها، زێدەتر گۆت: بەری دەمەکێ کیم، روودانەکا هاتنوچوونێ ل نێزێک ژوورا بازرگانیا دهۆکێ دناڤبەرا دو ترۆمبێلێن تایبەت دا روودا، کو ترۆمبێلەک ژ وان ھوندای ل گەل ترۆمبێلەک مارسیدس بوویە، د ئەنجامدا کەسەکێ گیانێ خوە ژ دەست دا و شەش کەس ژی بریندار بوون، کەسێن بریندار بۆ نەخۆشخانێ هاتنە ڤەگۆهاستن.
