د روودانەکێ دا فەرمانبەرەکى گیانێ خوە ژ دەست دا
ئەڤرۆ نیوز، نەوزاد ھلۆری:
دەمەکى بەری نھا ژ ئەگەرێ روودانەکا ھاتنووچۆنێ ل سەر رێیا گشتی ل نێزیک ھەولێر فەرمانبەرەکێ رێڤەبەریا کاروبارێن شەھید و ئەنفالکریان گیانێ خوە ژ دەست دا کو خەلکێ گوندێ بارزانە.
دڤی واری دا “رێبوار رەمەزان” رێڤەبەرێ رێڤەبەریا کاروبارێن شەھید و ئەنفالکریێن بارزان بۆ ئەڤرۆ نیوز گۆت: (ئەڤرۆ فەرمانبەرەکێ مە ب مەرەما ب رێڤەبرنا کاروبارێن رێڤەبەریا مە سەرەدانا ھەولێر کر، بەلێ ب مخابنی ڤە ب رێڤە تووشی روودانەکا ھاتنوچوونێ بوو و دەملدەست گیانێ خوە ژ دەست دا).
زێدەتر گۆت: (فەرمانبەرێ مە ناڤێ وی نەوشێروان رەھیم کەریمە و ل سالا 1976 ژ دایکبوویە و ل گوندێ بارزان ئاکنجیە و دو زارۆ ھەنە، ئەو ب خوە ژی کوڕێ جینوسایدکریەکێ بارزانیانە، ئەو روودانا ترۆمبێلێ ئەڤرۆ ل نێزیک ھەولێر دروست بوویە).
