د روودانەکێ دا ل پارێزگەھا دھۆکێ حەفت کەس برینداربوون و 21 پەز ژی ھاتنە کوشتن
ئەڤرۆ نیوز ، نەوزاد ھلۆری:
ئەڤرۆ بەری نیڤرو د روودانەکا ترافیکێ دا دناڤبەرا کومەلگەھا چرە و قەزا شێخان حەفت کەس برینداربوون و نێزیکێ ٢١ سەرێن پەزی ژی ھاتنە کوشتن.
ئازاد تەھا بەرپرسێ راگەیاندنا ھاتن و چوونا دھۆکێ بۆ ئەڤرۆ نیوز گۆت: ( ئەڤرۆ بەری نیڤرو د روودانەکا ھاتن و چوونێ دا لسەر رێیا گشتی دناڤبەرا کومەلگەھا چرە و قەزا شێخان حەفت کەس برینداربوون و ٢١ سەرێن پەزی ژی ھاتنە کوشتن )
زێدەتر گۆت: ( روودان ژ ئەگەرا بلەز لێخورینا ترومبێلەکا ژ جورێ تویوتا لاندوگروز درۆستبویە ، د دەمەکێ دا کوخ ودانێ پەزی دڤیا پەزێن خوە دەربازی لایدیێ جاددێ بکەت )
دھێتە زانین کو سپێدەھیا ئەڤرۆ ژی ل سنوورێ قەزا زاخو ژ ئەگەر روودانەکا ترافیکێ چوار کەسان گیانێ خوە ژ دەست دا و دوو کەس ژی برینداربوون.
