د رۆژانێن جەژنا قوربانێ دا 16 روودانێن هاتنوچوونێ ل پارێزگەها دهۆکێ رووداینە
ئەڤرۆ نیوز ، زنار تۆڤی:
د هەر چار رۆژێن جەژنا قوربانێ دا 16 روودانێن هاتنوچوونێ ل سەرانسەری پارێزگەها دهۆکێ رووداینە و موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: کو د هەر چار رۆژێن جەژنا قوربانێدا سێ کەسان گیانێ خوە ژ دەستدایە.
ناڤهاتی زێدەتر ئامارێن چار رۆژێن جەژنا قوربانێ ل سەرانسەری پارێزگەها دهۆکێ ئاشکرا کرن و گۆت ژی: د هەر چار روژێن جەژنا قوربانێ دا 16 روودانێن هاتنوچوونێ ل پارێزگەها دهۆکێ رووداینە و ژ وان ژی حەفت حالەتێن لێگدانێ بووینە ل گەل چار حالەتێن لێدانێ، هەروەسا پێنج حالەتێن وەرگەریانێ ژی رووداینە و د وان هەموو روودانان دا سێ کەسان گیانێ خوە ژ دەستدایە و 18 کەس ژی بریندار بووینە.
