د. موئه‌یه‌د ئه‌غالی: ژبه‌ر زێده‌بوونا هژمارا تووشبوویێن كۆرۆنایێ ره‌وش به‌ر ب خرابیێ یه
ئه‌ڤرۆ، له‌زگین جوقی:
سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو نوكه 159 تووشبوویێن كورۆنایێ دناڤ نه‌خۆشخانه‌یان دا چاره‌سه‌ریێ وه‌ردگرن ئه‌ڤه‌ژی هژماره‌كا ئێكجار مه‌زنه به‌رامبه‌ر چه‌ند حه‌فتیێن بۆری دا كو هژمارا تووشبوویێن كۆرۆنایێ گه‌له‌ك زێده‌بوویه و ره‌وش به‌ر ب ئالوزبوونێ یه”.
د. موئه‌یه‌د ئه‌غالی، سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو تووشبوویێن ره‌وشا وان مه‌ترسیدار یێ د ناڤ نه‌خۆشخانێ دا دهێنه نڤاندن گه‌له‌ك یا زێده‌دبیت و نوكه ب تنێ تووشبوویێن ره‌وشا وان مه‌ترسیدار یێ د ناڤ نه‌خۆشخانێ دا و گه‌له‌ك ژ تووشبوویان ل سه‌ر ئامێرێ هه‌ناسێ هاتینه نڤاندن و دچاڤدێریا چر دانه كو رێژه‌كا مه‌زن یا تووشبوویێن كۆرۆنایێ یێن نوكه ل دهۆكێ د ره‌وشه‌كا مه‌ترسیدار دانه.
ناڤبری ئه‌وژی دیاركر كو هه‌موو پێشبینی ئه‌ون رێژا تووشبوویان هێشتا زێده‌تر ببیت، چونكو گه‌له‌ك تێكه‌لی هاتیه كرن دناڤ وه‌لاتیاندا وپێگیری ب رێنمایان ناهێته كرن و ئه‌و تووشبوویێن نوكه دهێنه تۆماركرن ل دهۆكێ پتریا وان تووشی جۆرێ نوی یێ ڤایرۆسێ كورۆنایێ ژ جۆرێ ده‌لتا بووینه و خه‌لك رێنمایێن خۆپاراستنێ ب جهنائینیت، چوونا ده‌ستێن ئێكدو و ماچیكرن ئه‌گه‌رێن سه‌ره‌كی یێن به‌لاڤبوونا ڤایرۆسێ كورۆنایێ نه و پێدڤیه وه‌لاتی خوه ژ چوونا ده‌ستێن ئێكدو و ماچیكرنێ دوور بكه‌ن .
د. موئه‌یه‌د ئه‌غالی، گۆت: ژبه‌ر به‌لاڤبوونا ڤایرۆسێ كورۆنایێ ره‌وشا پارێزگه‌ها دهۆكێ به‌ر ب ئالوزیێ یه و رۆژانه ژی هژمارا تووشبوویان دناڤ نه‌خۆشخانه‌یێن كورۆنایێ دا به‌ره‌ڤ زێده‌بوونێ یه و هه‌تا نوكه ره‌وش بن كونترولا ساخله‌میێ دایه ئه‌گه‌ر وه‌لاتی د هه‌ڤكار بن و رێنمایێن خۆپاراستنێ ژ ڤایرۆسێ كۆرۆنایێ بجهـ بینن دێ شێین باشتر خزمه‌تا خه‌لكێ خوه كه‌ین.
