د پلانا من دایە جهەكێ مەزنتر ڤەكەم
سندس سالح سلێڤانەیی
وێنەگر (رەمەزان حسێن رەمەزان) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ وێنەگریێ دكر و هەموو هیڤی و ئۆمێدێن من ئەو بوون رۆژەك بهێت من كامیرەیا خۆ یا تایبەت هەبیت و ببمە وێنەگر، ئەو بوو ل سالا (2015) دەلیڤە هات و من دەستپێكر و هەتا نوكە یێ بەردەوامم، هەروەسا بەردەوام كاردكەم بۆ پێشڤەبرنا كارێ خۆ و داهێنانێ د وێنەگرتنێ دا.
هەروەسا گۆت: د دەمێ بۆری دا وەكو وێنەگر من گەلەك كار ئەنجام داینە، ژوانا وێنەكرنا چەند بەرنامەیێن تەلەفزیۆنی و وێنەكرنا كلیپێن چەند سترانبێژان و ریكلام و چەند هەلكەفتێن جڤاكی، هەروەسا من گەلەك شەهیانێن بووك و زاڤایان ژی وێنەكرینە، بۆ پاشەڕۆژێ ژی د پلانا من دایە كو جهەكێ مەزنتر ڤەكەم و شیرەتا من بۆ هەموو وێنەگرێن گەنج ئەوە ب دروستی و ئەمانەت كارێ خۆ بكەن و نهێنیێن چو كەسان ئاشكرا نەكەن.
