د ھەیڤا رەمەزانێ دا دەواما فەرمانبەران ھاتە کێمکرن
ئەڤرۆ نيوز:
پەیڤدارێ حوکمەتا ھەرێما کوردستانێ دیار کر کو د ھەیڤا رەمەزانا پیرۆز دا حوکمەتا ھەرێمێ بڕیار دایە ل ھەموو دام و دەزگەھێن فەرمی یێن حوکمەتا ھەرێما کوردستانێ ل دەمژمێر نەھی سپێدێ دەوام دێ دەست پێ کەت و ل دەمژمێر دویێ پشتی نیڤرۆ ب دووماھی ھێت.
سەفین دزەیی، پەیڤدارێ حوکمەتا ھەرێما کوردستانێ د ڕاگەھاندنەکێ دا کو ل مالپەرێ فەرمی یێ حوکمەتێ دا ھاتیە بەلاڤکرن و تێدا ھاتیە: “ب ھەلکەفتا ھاتنا رەمەزانا پیرۆز، گەرمترین پیرۆزباھیان ل ھەموو وەلاتیێن ھەرێما کوردستانێ، ب تایبەت خێزانێن شەھید و پێشمەرگێن قارەمان دکەن، ھیڤیدارین ئەڤ ھەیڤە ببیتە ئەگەرێ مۆکمکرنا گیانێ پێکڤەژیانێ و چارەکرنا ئالۆزیان و سەرکەفتن ل سەر تیرۆرستان دا”.
ھەر د ڕاگەھاندنا پەیڤدارێ حوکمەتا ھەرێمێ دا ئاشکرا ژی کریە، دەواما فەرمانبەران ل ھەموو دام و دەزگەھێن فەرمی یێن حوکمەتا ھەرێما کوردستانێ ھاتیە کێمکرن و تێدا ھاتیە: “دەوام ل دەمژمێر نەھی سپێدێ دێ دەست پێ کەت و ل دەمژمێر دویێ پشتی نیڤرۆ دێ ب دووماھی ھێت”.
