راهێنه‌رێ زاخۆ دادڤانێن به‌غدا زولمێ ل یانێن هه‌رێمێ كه‌ن
ئه‌ڤرۆ نیوز، هه‌ژار مه‌عروف:
پشتى تیما ته‌پا پێ یا زاخۆ د یاریا خوه یا ئه‌ڤرۆ دا ب گوله‌كێ ل گه‌ل یانا كاره‌با وه‌كهه‌ڤ بووى ب گوله‌كێ د چارچوڤێ یاریێن گه‌را حه‌فتێ ژ خولا پلا نایاب یا عیراقى ئه‌وا ئه‌ڤرۆ ل یاریگه‌ها یانا نه‌فت یارى كرى دڤێ یاریێ دا تیما كاره‌با ده‌ستپێكێ پێشكه‌ڤت بوو ب گوله‌كێ و پاش یاریكه‌رێ یانا زاخۆ سه‌هیل نوعیم به‌رى یارى ب دووماهى بهێت گولا وه‌كهه‌ڤى توماركر بوو كو ئه‌ڤ یاریا د بوو یاریا ئێكێ یا فه‌رمى ب سه‌رپه‌رشتیا راهێنه‌رێ نوو یێ یانا زاخۆ عه‌لى هادى ئه‌وێ د په‌یوه‌ندیه‌كا ته‌له‌فونى دا ژ به‌غدا بۆ مالپه‌رێ ئه‌ڤرۆ نیوز گوت: بو ڤێ یاریێ ئێكه‌تیا ته‌پا پێ یا عیراقێ غه‌در ل مه كریه چونكو مه داخوازا پاشخستنێ كربوو و به‌رى ده‌مێ یاریێ ب 24 ده‌مژمێران ئه‌م هاتینه ئاگه‌هداركرن و ئێكسه‌ر ژ فروكخانه‌یا به‌غدا به‌ر ب یاریگه‌هێ چوینه و یاریكه‌ران ده‌مێ بهێنڤه‌دانێ نه‌بوو.
زێده‌تر ناڤبرى ئه‌و چه‌نده ژى دیاركر كو ئێكه‌تیا ته‌پا پێ یا عیراقێ به‌رده‌وام زولمێ ل یانێن كوردستانێ دكه‌ت و دیسان دادڤانێن یاریێن یانێن كوردستانێ ل به‌غدا زولمێ دكه‌ن و ل دووماهى ناڤبرى گوت: د ڤێ یاریا ئێكێ دا نه‌شیام هه‌لسه‌نگاندنا تیمێ بكه‌م چونكو ب تنێ دوازده یاریكه‌ر د گه‌ل تیمێ بوون.
