راکرنا ڤیزا ناڤبەرا ئیران و عێراقێ ھاتە درێژکرن
ئەڤرۆ نیۆز، قائید میرۆ:
ھەردو وەزارەتێن دەرڤەیێن ئیران و عێراقێ لدۆر راکرنا ڤیزایێ بۆ دو ھەیڤێن دی رێکەفتن بەپرسێ پەیوەندیێن ھەرێما کوردستانێ دگەل ئیرانێ ژی دبێژیت، راکرنا ڤیزایێ کاریگەریێن زۆر گەشتکرنێ ھەبووینە.
عەبدولا ئاکرەیی، بەرپرسێ پەیوەندیێن ھەرێما کوردستانێ دگەل ئیرانێ بۆ ئەڤرۆ نیۆز دیارکر” راکرنا ڤیزایێ بۆ دو ھەیڤێن دی ھاتیە درێژکرن و ھەتا ھەیڤا نیسانێ وەلاتی بێ ڤیزا دشێن سەرەدانا کۆمارا ئیسلامیا ئیرانێ بکەن، بەلێ ھێشتا بفەرمی ئەو بڕیار ژلایێ نوونەرێ ئیرانێ نەگەھشتینە دەستێ مە.
ئاکرەیی گۆتژی” راکرنا ڤیزایێ دناڤبەرا عێراق و ئیرانێ کاریگەری لسەر گەشتکرنێ ھەبوویە و مفایەکێ زۆرژی گەھاندیە کەرتێ بازرگانی، چونکە راکرنا ڤیزایێ کارێن وەلاتیان ساناھی دکەت بۆ گەشتکرنێ، ھەتا بۆ وەلاتیێن ئیرانی ژی مفا ھەبوویە کو بخوازن سەرەدانا عێراقێ و ھەرێما کوردستانێ بکەن.