راگرێ ئەکادیمیا سەربازی ل زاخۆ دێ ھێتە گھۆرین
ئه‌ڤرۆ نيوز:
راگرێ ئەکادیمیا سەربازی ل زاخۆ فەریق شەھاب ئەحمەد دێ ھێتە گھۆرین و ل شوونا وی لیوا نەزیر عاسم گۆران ھاتیە دەستنیشانکرن ببیتە راگرێ ئەکادیمیێ.
عەقید مەحموود عومەربەرپرسێ راگەھاندنا ئەکادیمیا سەربازی ل زاخۆ ئاشکرا کر ناڤێ لیوا نەزیز عاسم گەھشتیە وان بۆ ھندێ ببیتە راگرێ کۆلیژێ، لێ ھێشتا چ رێورەسمێن فەرمی نەھاتینە کرن، بۆ ھندێ راگرێ نوو ب فەرمی بدەنە ناسکرن و دەست بکارێ خوە بکەت، ژبەر ھندێ ھەتا بریار پێ دەردکەڤیت ھێشتا فەریق شەھاب ئەحمەد کارێن راگریا کۆلیژێ برێڤە دبەت.
ئەکادیمیا سەربازی ل زاخۆ ل سالا 1996 ژلایی پارتی دیمۆکراتی کوردستان ڤە ھاتیە دانان، دووڤدا چوویە سەر ب حوکمەتا عیراقێ ڤە و ژ ھینگێ وەرە فەریق شەھاب ئەحمەد راگرێ کۆلیژی یە، پشتی پلەیا وی ژ لیوا بۆ فەریق ب شەھاب ئەحمەد ھاتیە دان، ل گۆر پێزانینێن راگەھاندنا ئەکادیمیێ فەریق شەھاب ئەحمەد دێ ھێتە خانەنشینکرن.
