راگه‌هاندنه‌ك ژ وه‌زاره‌تا دارايى و ئابوورى ل دۆر به‌لاڤكرنا مووچه‌ى
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى راگه‌هاند: مووچێ وه‌زاره‌تا پێشمه‌رگه و فه‌رماندنا پێشمه‌رگێ زێره‌ڤانى و هێزا ئاماده ل گه‌ل جڤاتا ئاسايشێ و ده‌زگه‌هێ گشتيێ ئاسايشێ بۆ هه‌يڤا كانوونا دويێ سالا 2016ێ هاتيه مه‌زاختن.
د راگه‌هاندنێ دا كو وێنه‌ك بۆ ئه‌ڤرۆ نيوز هنارتيه ژى ئاماژه ب وێ چه‌ندێ دكه‌ت: “هه‌موو ئاماده‌كارى هاتينه كرن بۆ مه‌زاختنا مووچێ هه‌موو فه‌رمانگه‌هـ و داموده‌زگه‌هێن حوكمه‌تا هه‌رێمێ، ژ به‌ر هندێ ژى هيڤيدارين ب زووترين ده‌م ليستێن مووچان بۆ مه ب هنێرن، هه‌ڤدژى ڤێ چه‌ندێ دێ نه‌چار بيت مووچێ وان فه‌رمانگه‌هـ و داموده‌زگه‌هان مه‌زێخين يێن ليستا مووچێن خوه ئاماده‌كرى و گه‌هشتينه ده‌ستێ مه و كارێ هووربينيێ بۆ ئه‌نجام ده‌ين”.
بڕيار بوو رۆژا پێنجشه‌مبى مووچێ هه‌يڤا كانوونا دويێ يێ وه‌زاره‌تا په‌روه‌ردێ ژى بهێته به‌لاڤكرن به‌لێ ب گۆره‌ى داخۆيانيێن وه‌زاره‌تا دارايى، ليستا ناڤێن مامۆستا و فه‌رمانبه‌رێن په‌روه‌ردێ ل دووڤ سيسته‌مێ نوو ب وه‌زاره‌تێ نه‌گه‌هشت بوون.
