رزگار بوویێن ده‌ستێ داعش دژی بریاره‌كا حوكمه‌تا عێراقێ نه
ئه‌ڤرۆ نیوز،بارزانمزووری:
وه‌زاره‌تا كۆچكوچبه‌ران یا حكومه‌تاعێراقێ بریار دایه كۆ 31 هزارۆ 400 ژن و زارۆكێن رێكخراوا تیرۆرستی یا داعش ل كه‌مپا هۆل سوریاڤه گوهێزن بۆ ئێك ژ كه‌مپێن ئاواران ل ده‌ڤه‌را زومار، ئه‌ڤ بریاره بوویه جهێ نه‌رازیبوه‌نێ ژلایێ كوردێن ئێزدیان دناڤ كه‌مپێن ئاواران دا ل قه‌زا شێخان.
حسێن عیدۆ، ئێك ژ كه‌ساتیێن ئێزدی دناڤ كه‌مپا ئێسیان بۆ ئه‌ڤرۆ نیوز گۆت: پێدڤییه حكومه‌تا عێراقێ ل پێشڤێ بریارێ ڤه كار بۆ ڤه‌گه‌ریانا ئاواران كربایه بۆ سه‌رده‌ڤه‌رێن وان پرۆژێن خزمه‌تگوزاری بۆ وان گه‌هاندبان نوكه دوباره ئاواره ڤه گه‌ریا بانه سه‌ر جهێت خۆیێ به‌رێ حكومه‌تا عێراقێ دزانیت كا ئه‌م د چ ره‌وشا خراپ داینه.
ناڤهاتی خۆیاكر پێدڤییه حكومه‌تا هه‌رێما كوردستانێ پشته‌ڤانیا مه بكه‌ت ژبه‌ركۆ بتنێ هه‌رێمێ خۆ لمه كریه خودان پێدڤی نها ژی كار بكه‌ت دگه‌ل حكومه‌تا عێراقێ دژی ڤێ بریارێ بیت ،ژبه‌ر كۆ بریارا حكومه‌تا عێراقێ ئه‌وجوره‌كێ فه‌رمانێ یه دژیئێ زدیان دهێت بكارئینان.
مه‌قبولا خدر ،ئێك ژ كچێن ده‌ستێ داعش رزگاربوی ل كه‌مپا ئێسیان ئاكنجیه بۆئه‌ڤرۆ نیوز گۆت:ئه‌ز دژی بریارا حكومه‌تا عێراقێ مه ئه‌ڤ بریاره دێ دوژمنێن مه یێن ئه‌م بێ ده‌یك و باب و خویشك و برا كرین ل پێشڤێ بریارێ حكومه‌تا عێراقێ بچیت كه‌س و كارێن مه رزگاركه‌ت ده‌ستێن داعشدا ئه‌ڤ بریاره دژی ئێزدیانه دێ چاوا دلێ مه‌رازی بیت دوژمنێ مه بینه دناڤ ئاخامه دا سێ زاروك ژ مالباتا من هه‌تا نها دبێ سه‌رۆشینن خودانێ سێ گورێن ب كومه‌لم، به‌لێ جهێ داخێ یه حكومه‌تا عێراقێ دێ بڤی شێوه‌ی قه‌ره‌بویامه‌كه‌ت.
جەهوەر عەلی بەگ، بریکارێ میرێ ئێزدیا بۆ کاروبارێن پەیوەندیان بۆ ئەڤرۆ نیوز گۆت:هاتنا خێزانێن داعش بۆ دەڤەرا زومار مەترسیەکا مەزنە بۆ ئێزدیان تایبەت بۆ خەلکێ شەنگال، بنەجهکرنا وان خێزانێن داعش ل کەمپا زۆمار دێ بیتە دوبارە هزرێن توندرەو ل دەڤەرێ، ناڤهاتی خویاکر داخاز ژ حکۆمەتا هەرێما کوردستانێ و عێراقێ دکەین بلەز پێداچونێ ڤێ بریارێ بکەن دا ئێزدی دوبارە توشی کارەساتا نەبن،ژبەرکۆ ئەڤ بریارە نە د بەرژەوەندیا ئیزیان دایە ئێزدی ب ڤێ بریارێ دلگران کرینە.
