ره‌وانه‌كرنا په‌ترۆلا كه‌ركووك ب رێيا بۆريێن هه‌رێما كوردستانێ ده‌سپێكره‌ڤه
ئه‌ڤرۆ نيوز:
ژێده‌ره‌كى ژ كۆمپانيا په‌ترۆلا باكوور ل كه‌ركووك راگه‌هاند كو نوكه رێژا هنارتنا په‌ترۆلێ ژ وێ كۆمپانيێ بۆ به‌نده‌رێ جيهان يێ توركى يێ ئارامه و ل 100 هزار به‌رميلان يا جێگيره.
ئه‌ڤى ژێده‌رى بێ كو ناڤێ خوه ئاشكه‌را بكه‌ت بۆ سومه‌ريه نيوز راگه‌هانديه كو نوكه جێگريه‌ك كه‌فتيه په‌ترۆلا كه‌ركووك و ب ره‌نگه‌كێ رۆژانه 100 هزار به‌رميل ب رێيا بۆريێن هه‌رێما كوردستانێ بۆ به‌نده‌رێ جيهان يێ توركيى دهێنه ره‌وانه‌كرن.
دايه زانين ژى كو نوكه چو كێشه د وان پالاوگه‌هـ و هنارتنا وان دا نينن و رۆژانه ژى 275 هزار به‌رميلێن په‌ترۆلێ به‌رهه‌م دئينن.
بۆ ماوێ پێنج هه‌يڤانه هنارتنا په‌ترۆلا كه‌ركووك ب رێيا بۆريێن هه‌رێما كوردستانێ بۆ به‌نده‌رێ جيهان يێ توركى هاتبوو راوه‌ستاندن ژ ئه‌گه‌رێ چه‌ند كێشه‌يێن د ناڤبه‌را هه‌رێما كوردستانێ وعيراقێ دا ژ ئه‌گه‌رێ بهايێ وێ و چاوانيا هنارتنێ.
